ДЗЯРЖОРГАНЫДЗЯРЖОРГАНЫ
Флаг Серада, 4 жніўня 2021
Мінск Суцэльная воблачнасць +18°C
Усе навіны
Усе навіны
Грамадства
22 чэрвеня 2021, 14:16

МЗС Беларусі аб новых санкцыях: па сутнасці гэта мяжуе з аб'яўленнем эканамічнай вайны

Фота з архіва
Фота з архіва

22 чэрвеня, Мінск /Кар. БЕЛТА/. У Міністэрстве замежных спраў Беларусі пракаменціравалі ўвядзенне ЕС, ЗША, Вялікабрытаніяй і Канадай новых санкцый адносна Беларусі. Адпаведная заява апублікавана на сайце знешнепалітычнага ведамства, паведамляе БЕЛТА.

"На жаль, нашы заходнія партнёры па-ранейшаму аддаюць перавагу толькі варожым дзеянням - санкцыям і націску на суверэнную дзяржаву, а не любому дыялогу і супрацоўніцтву. На гэтым фоне адкрытым здзекам, насмешкай над логікай і разважлівасцю выглядае заява кіраўніцтва Еўрасаюза: "Сёння ЕС паслаў новы моцны сігнал падтрымкі народу Беларусі, увёўшы новыя абмежавальныя меры". Упэўнены, што працоўныя калектывы падпаўшых пад санкцыі прадпрыемстваў, гэтак жа як іх сваякі, сем'і і іншыя беларусы, правільна і па заслугах ацэняць такую шчодрую "падтрымку" ЕС", - падкрэслілі ў міністэрстве.

У МЗС заўважылі, што цяпер яшчэ больш відавочны адказ на традыцыйнае пытанне: "Што ЕС зрабіў для Беларусі?".

"Мы неаднаразова заяўлялі, што санкцыі негатыўна ўплываюць на інтарэсы грамадзян, яны контрпрадуктыўныя і заганныя. Ні пра які іх кропкавы або разумны характар апрыёры не можа быць і размовы. Бачым, што і ў ЕС гэта ўсведамляюць. Пры гэтым прадаўжаюць мэтанакіраваныя дэструктыўныя дзеянні супраць насельніцтва, каб нібыта "высушыць рэжым фінансава". Па сутнасці гэта мяжуе з аб'яўленнем эканамічнай вайны", - звярнулі ўвагу ў ведамстве.

У міністэрстве назвалі кашчунствам тое, што чарговая санкцыйная агрэсія развязана групай заходніх краін менавіта ў дзень памяці і смутку, калі 80 гадоў таму "аб'яднаная Еўропа" на чале з гітлераўскай Германіяй напала на Савецкі Саюз.

"У XXI стагоддзі беларускі народ зноў стаў палігонам для незадаволеных амбіцый да супрэматыі еўрапейскіх палітыкаў. Па-іншаму такія безразважныя ўчынкі складана растлумачыць. Беларуская дзяржава можа і зробіць усё магчымае для абароны сваіх грамадзян і суб'ектаў гаспадарання", - падкрэслілі ў знешнепалітычным ведамстве.

Санкцыі і рэстрыкцыі не будуць мець жаданага іх заказчыкамі эфекту, упэўнены ў Беларусі. "Меры ў адказ, якія ЕС прымушае нас прыняць, гэтак жа негатыўна могуць адбіцца на сферах нашага ўзаемадзеяння і ў рэшце рэшт на інтарэсах грамадзян і кампаній краін Захаду, якія прынялі недружалюбныя крокі ў адносінах да нашай дзяржавы. У выніку Еўрасаюз наўмысна раскручвае санкцыйную спіраль, выбірацца з якой усім бакам усё цяжэй і цяжэй", - адзначылі ў міністэрстве.

У МЗС звярнулі ўвагу, што такі падыход не пакідае ні часу, ні прасторы для пошуку "вокнаў магчымасцей" па выхаду з сітуацыі, што склалася ў адносінах Беларусі з ЕС, ЗША, Вялікабрытаніяй і Канадай. Беларускі бок заклікаў усе краіны і еўраструктуры, якія бягуць навыперадкі па "сцежцы санкцыйнай вайны", прыслухацца да голасу розуму і падумаць аб будучыні.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі