ДЗЯРЖОРГАНЫДЗЯРЖОРГАНЫ
Субота, 28 лістапада 2020
Мінск Суцэльная воблачнасць 0°C
Усе навіны
Усе навіны
Грамадства
20 лістапада 2020, 13:25

Міністэрства аховы здароўя ўстанавіла гранічныя тарыфы на паслугі лабараторнай дыягностыкі COVID-19

Фота з архіва
Фота з архіва

20 лістапада, Мінск /Кар. БЕЛТА/. Устаноўлены гранічныя максімальныя тарыфы на паслугі па лабараторнай дыягностыцы інфекцыі, выкліканай COVID-19. Адпаведная пастанова Міністэрства аховы здароўя нумар 99 ад 17 лістапада 2020 года афіцыйна апублікавана на Нацыянальным прававым інтэрнэт-партале, паведамляе БЕЛТА.

Гранічны максімальны тарыф на даследаванне метадам палімеразнай ланцуговай рэакцыі (ПЦР) на наяўнасць SARS-CoV-2 устаноўлены на ўзроўні Br53, даследаванне на вызначэнне імунаглабулінаў IgM і IgG да SARS-CoV-2 з выкарыстаннем экспрэс-тэстаў - Br31,5. Тарыф, што датычыцца даследавання на вызначэнне імунаглабулінаў IgM і IgG да SARS-CoV-2 метадам імунахраматаграфічнага або імунафлуарэсцэнтнага, або імунаферментнага, або імунахемілюмісцэнтнага аналізу, не павінен перасягаць Br37,5.

Згодна з дакументам, устаноўленыя тарыфы ўключаюць кошт даследавання, маніпуляцый, неабходных для правядзення лабараторнай дыягностыкі, а таксама патрэбных матэрыялаў і рэагентаў.

Пастанова ўступае ў сілу пасля афіцыйнага апублікавання.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі