16 сакавіка, Мінск /Кар. БЕЛТА/. Міністэрства архітэктуры і будаўніцтва разлічвае на прыняцце дакументаў аб іпатэцы і будаўнічых зберажэннях да канца года, паведаміў міністр архітэктуры і будаўніцтва Дзмітрый Мікулёнак у эфіры тэлеканала СТБ, паведамляе БЕЛТА.
Праекты дакументаў па жыллёвых будаўнічых зберажэннях і іпатэцы цяпер знаходзяцца на ўзгадненні, адзначыў Дзмітрый Мікулёнак. "Яны ўжо даволі доўга ўзгадняюцца. Мы разлічваем, што на працягу года, магчыма, яны будуць прыняты", - сказаў ён.
Праект указа, у якім прапісаны асноўныя пытанні, якія датычацца развіцця іпатэчнага будаўніцтва, як паведамлялася, распрацаваны на базе закона аб іпатэцы, там адрэгуляваны ўсе праблемныя пытанні.
Паводле слоў міністра, іпатэка - прызнаны механізм фінансавання паляпшэння грамадзянамі сваіх жыллёвых умоў. "У такой сітуацыі нічога іншага ў свеце пакуль не прыдумана больш дасканалага, чым іпатэка. Чалавек атрымлівае жыллё і потым за яго плаціць. Але ва ўласнасці яно знаходзіцца або ў банка, або ў кагосьці, а чалавек выплачвае этапамі сумы за гэта жыллё. Схема абсалютна рабочая, толькі патрэбны некаторыя механізмы, якія гарантуюць бяспеку, у тым ліку самога чалавека", - сказаў ён.
Што датычыцца будаўнічых зберажэнняў, гэта сістэма для рэспублікі таксама не новая. Але пакуль яна не ўкаранёна так шырока, пытанне заключаецца ў накапленнях, якія павінны рабіць грамадзяне.
Усяго ў 2020 годзе трэба ўвесці 4 млн кв.м жылля. Гэта лічба будзе захоўвацца. Яна ўлічвае магчымасці як саміх удзельнікаў працэсу з боку будуемых, у тым ліку дольшчыкаў, шматдзетных, маючых патрэбу ў паляпшэнні жыллёвых умоў, так і дзяржавы ў забеспячэнні неабходнай інфраструктурай і льготнымі крэдытамі.
Пры гэтым не выключана, што ў будучым аб'ёмы будаўніцтва жылля ў Беларусі павялічаць. "Усё будзе залежаць ад эканомікі. Тут і крэдытаванне вельмі вялікае значэнне мае", - сказаў Дзмітрый Мікулёнак. Дадатковы штуршок могуць даць і заканадаўчыя ініцыятывы, якія датычацца жыллёвых будаўнічых зберажэнняў, іпатэкі.-0-
