22 красавіка, Мінск /Кар. БЕЛТА/. Міністэрства абароны выдзеліла транспарт для падвозу пітной вады ў раёны Мінска, паведамілі БЕЛТА ў прэс-службе ведамства.
Цяпер задзейнічаны 16 аўтамабільных цыстэрнаў з 12 воінскіх часцей. Яны забяспечваюць падвоз больш як 97 т пітной вады жыхарам сталіцы, у школы, дзіцячыя сады, іншыя ўстановы.
Аўтацыстэрны курсіруюць з ночы і на працягу ўсяго дня. Падвоз вады прадоўжыцца, пакуль у гэтым будзе неабходнасць.-0-
