22 кастрычніка, Мінск /Кар. БЕЛТА/. Мабільныя аператары знізяць тарыфы на роўмінг у Расіі з 1 лістапада. Змяненне тарыфаў адбываецца ў рамках дарожнай карты па адмене роўмінгу на тэрыторыі Саюзнай дзяржавы, паведамляе БЕЛТА.
МТС знізіць тарыфы на галасавы роўмінг на тэрыторыі Расіі. Зменіцца кошт уваходных і выходных выклікаў. Зніжэнне кошту званкоў будзе распаўсюджвацца на ўсіх абанентаў аператара незалежна ад тарыфнага плана і сеткі расійскага аператара, у якой будзе зарэгістравана мабільнае ўстройства. Пераход на новыя тарыфы галасавога роўмінгу адбудзецца аўтаматычна з 1 лістапада. Цэны на SMS і інтэрнэт-трафік застануцца без змяненняў.
life:) з 1 лістапада таксама ўводзіць змяненні па роўмінгавых тарыфах у Расіі. Знізіцца кошт выходных і ўваходных званкоў, SMS.
Як паведамлялася, аператары Беларусі і Расіі знізяць тарыфы на роўмінг ў Саюзнай дзяржаве з 1 лістапада. З улікам вынікаў завяршэння доследнай эксплуатацыі будзе прынята рашэнне аб прымяненні зніжаных роўмінгавых тарыфаў з 1 студзеня 2021 года на пастаяннай аснове.
Выкананне мерапрыемстваў дарожнай карты па адмене роўмінгу на тэрыторыі Саюзнай дзяржавы ў цэлым паспяхова завершана. Пры гэтым бакі павінны да канца кастрычніка ўзгадніць праграму доследнай эксплуатацыі каналаў сувязі і рэгламент узаемадзеяння аператараў электрасувязі Беларусі і Расіі па абмене інфармацыяй аб парушэннях парадку пропуску трафіку на сетках электрасувязі.-0-
