Навіны сюжэта
"Маладзёжная палітыка Беларусі "
10 сакавіка, Мінск /Кар. БЕЛТА/. Уручэнне пашпарта - унікальная падзея ў жыцці юнага грамадзяніна, заявіў журналістам член Пастаяннай камісіі Савета Рэспублікі па міжнародных справах і нацыянальнай бяспецы, першы сакратар ЦК БРСМ Аляксандр Лук'янаў у час усебеларускай акцыі "Мы - грамадзяне Беларусі!", перадае карэспандэнт БЕЛТА.
"Кожная дзяржава моцная сваімі традыцыямі. І ў нашай краіне адна з такіх любімых традыцый - урачыстае ўручэнне пашпартоў. Напярэдадні важнейшага свята - Дня Канстытуцыі - уручэнне пашпарта з'яўляецца адной з унікальных падзей у жыцці юнага грамадзяніна, які ўжо дасягнуў 14 гадоў. І, вядома, пашпарт - гэта, можна сказаць, персанальная Канстытуцыя для кожнага маладога чалавека,у якую ён упіша асноўныя радкі свайго жыцця: ад рэгістрацыі шлюбу да моманту атрымання прапіскі", - расказаў Аляксандр Лук'янаў.
Вельмі сімвалічна, што ўсебеларуская акцыя "Мы - грамадзяне Беларусі!" стартавала ў Канстытуцыйным Судзе Рэспублікі Беларусь, які адыгрывае важную ролю ў ахове канстытуцыйных правоў і свабод грамадзян нашай краіны, абароне канстытуцыйнага ладу. Галоўнымі героямі ўрачыстасці сталі 14-гадовыя юнакі і дзяўчаты - прадстаўнікі ўсіх абласцей і Мінска. Пашпарт грамадзяніна Рэспублікі Беларусь маладым людзям уручылі старшыня Канстытуцыйнага Суда Рэспублікі Беларусь, заслужаны юрыст Беларусі Пётр Міклашэвіч і член Пастаяннай камісіі Савета Рэспублікі па міжнародных справах і нацыянальнай бяспецы, першы сакратар ЦК БРСМ Аляксандр Лук'янаў.
У падарунак хлопцы і дзяўчаты традыцыйна атрымалі Канстытуцыю, а таксама вокладку на пашпарт і кніжнае выданне "Сімвалы Беларусі".
"Гэта ўнікальная падзея для моладзі. На працягу тыдня тысячы хлопцаў і дзяўчат атрымаюць пашпарты ва ўрачыстай абстаноўцы. Яны заслужылі такое права сваёй паспяховай вучобай, сваімі адносінамі да грамадскага жыцця. Гэта пераможцы раённых, абласных і рэспубліканскіх алімпіяд, актывісты Саюза моладзі, маладыя парламентарыі. Гэта маладыя людзі, якія не чакаюць і не глядзяць, як праходзіць жыццё за акном, а якія актыўна ўключаны ў грамадскае выхаванне маладых людзей і самі сёння з'яўляюцца прыкладам для сваіх равеснікаў", - адзначыў Аляксандр Лук'янаў.
Патрыятычная ініцыятыва была прапанавана БРСМ у 2004 годзе. За гэтыя гады яна набыла шырокую папулярнасць сярод моладзі і па праву лічыцца адной з важнейшых традыцый нашай краіны. Урачыстае ўручэнне нацыянальных пашпартоў падлеткам падкрэслівае іх пераход у дарослае жыццё, дае магчымасць яшчэ лепш усвядоміць, што цяпер яны сталі паўнапраўнымі грамадзянамі Беларусі, адказнымі перад ёю і яе законамі.
Дзень Канстытуцыі Беларусі штогод адзначаецца 15 сакавіка як дзяржаўнае свята. Асноўны закон вызначае асновы дзяржаўнай улады і грамадскага жыцця, гарантуе асноўныя правы і свабоды грамадзян, вызначае асновы дэмакратычнай сацыяльнай прававой дзяржавы, а таксама з'яўляецца важным фактарам для фарміравання грамадзянскай ідэнтычнасці і нацыянальнай самабытнасці беларусаў.-0-
"Кожная дзяржава моцная сваімі традыцыямі. І ў нашай краіне адна з такіх любімых традыцый - урачыстае ўручэнне пашпартоў. Напярэдадні важнейшага свята - Дня Канстытуцыі - уручэнне пашпарта з'яўляецца адной з унікальных падзей у жыцці юнага грамадзяніна, які ўжо дасягнуў 14 гадоў. І, вядома, пашпарт - гэта, можна сказаць, персанальная Канстытуцыя для кожнага маладога чалавека,у якую ён упіша асноўныя радкі свайго жыцця: ад рэгістрацыі шлюбу да моманту атрымання прапіскі", - расказаў Аляксандр Лук'янаў.
Вельмі сімвалічна, што ўсебеларуская акцыя "Мы - грамадзяне Беларусі!" стартавала ў Канстытуцыйным Судзе Рэспублікі Беларусь, які адыгрывае важную ролю ў ахове канстытуцыйных правоў і свабод грамадзян нашай краіны, абароне канстытуцыйнага ладу. Галоўнымі героямі ўрачыстасці сталі 14-гадовыя юнакі і дзяўчаты - прадстаўнікі ўсіх абласцей і Мінска. Пашпарт грамадзяніна Рэспублікі Беларусь маладым людзям уручылі старшыня Канстытуцыйнага Суда Рэспублікі Беларусь, заслужаны юрыст Беларусі Пётр Міклашэвіч і член Пастаяннай камісіі Савета Рэспублікі па міжнародных справах і нацыянальнай бяспецы, першы сакратар ЦК БРСМ Аляксандр Лук'янаў.
У падарунак хлопцы і дзяўчаты традыцыйна атрымалі Канстытуцыю, а таксама вокладку на пашпарт і кніжнае выданне "Сімвалы Беларусі".
"Гэта ўнікальная падзея для моладзі. На працягу тыдня тысячы хлопцаў і дзяўчат атрымаюць пашпарты ва ўрачыстай абстаноўцы. Яны заслужылі такое права сваёй паспяховай вучобай, сваімі адносінамі да грамадскага жыцця. Гэта пераможцы раённых, абласных і рэспубліканскіх алімпіяд, актывісты Саюза моладзі, маладыя парламентарыі. Гэта маладыя людзі, якія не чакаюць і не глядзяць, як праходзіць жыццё за акном, а якія актыўна ўключаны ў грамадскае выхаванне маладых людзей і самі сёння з'яўляюцца прыкладам для сваіх равеснікаў", - адзначыў Аляксандр Лук'янаў.
Патрыятычная ініцыятыва была прапанавана БРСМ у 2004 годзе. За гэтыя гады яна набыла шырокую папулярнасць сярод моладзі і па праву лічыцца адной з важнейшых традыцый нашай краіны. Урачыстае ўручэнне нацыянальных пашпартоў падлеткам падкрэслівае іх пераход у дарослае жыццё, дае магчымасць яшчэ лепш усвядоміць, што цяпер яны сталі паўнапраўнымі грамадзянамі Беларусі, адказнымі перад ёю і яе законамі.
Дзень Канстытуцыі Беларусі штогод адзначаецца 15 сакавіка як дзяржаўнае свята. Асноўны закон вызначае асновы дзяржаўнай улады і грамадскага жыцця, гарантуе асноўныя правы і свабоды грамадзян, вызначае асновы дэмакратычнай сацыяльнай прававой дзяржавы, а таксама з'яўляецца важным фактарам для фарміравання грамадзянскай ідэнтычнасці і нацыянальнай самабытнасці беларусаў.-0-
Падпісвайцеся на нас у
