15 жніўня, Мінск /Кар. БЕЛТА/. Старшыня канцэрна "Беллегпрам" Таццяна Лугіна ў праекце "У тэме" на YouTube-канале БЕЛТА расказала, ці ўзгадняюцца фразы мерчу "Першага" з Прэзідэнтам.
Прадукцыя мерчу "Першага" з самага першага дня выхаду на рынак запатрабавана пакупнікамі. Адзенне з трапнымі фразамі кіраўніка дзяржавы нікога не пакідае абыякавым.
"Мы заўсёды слухалі з захапленнем выступленні кіраўніка дзяржавы. Ён такі цудоўны прамоўца і заўсёды ёсць такія ёмістыя з падколкай, народныя нейкія фразы. А цяпер, калі адкрылі магазіны, часам слухаеш яго выступленне, бачыш нейкую ёмістую такую фразу, раз і ў тэлефоне пазначыш. І кожны пасля нарады 5-6-7 фраз пазначае для сябе. Ёсць у нас група людзей, якая вызначае, што можа быць цікава людзям. Вядома, усё гэта ўзгадняецца з кіраўніком дзяржавы", - расказала Таццяна Лугіна.
Старшыня канцэрна канстатавала: да гэтага праекта ў "Беллегпраме" ставяцца адказна. "Трэба варушыцца ў бізнесе, а некаторыя рэчы трэба рабіць з розумам. Так і гэты праект", - дадала яна.-0-
