ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -3°C
Усе навіны
Усе навіны
Грамадства
24 студзеня 2023, 15:23

Кулік: санкцыі падштурхнулі вытворчасць і навуку да яшчэ большага ўзаемадзеяння

Фота з архіва
Фота з архіва

24 студзеня, Мінск /Кар. БЕЛТА/. Санкцыі падштурхнулі вытворчасць і навуку да яшчэ большага ўзаемадзеяння. Такое меркаванне выказаў міністр лясной гаспадаркі Аляксандр Кулік падчас наведвання выстаўкі навукова-тэхнічных дасягненняў "Беларусь інтэлектуальная", перадае карэспандэнт БЕЛТА.

Аляксандр Кулік адзначыў, што ў лясной галіне сёння ўсе навінкі актуальныя і неабходныя. "Санкцыі прымусілі нас паглядзець па-новаму на ўзаемадзеянне вытворчасці і навукі. Што датычыцца сістэмы Міністэрства лясной гаспадаркі, то па нас санкцыі ўдарылі больш за ўсё, але вытворцы лесанарыхтоўчай тэхнікі хутка перабудаваліся", - адзначыў міністр.

На выстаўцы прадстаўлены харвестар і форвардар "Амкадор", дзе больш за 90 працэнтаў дэталей беларускай вытворчасці - ад кабіны да гідраўлікі. "Вось узаемадзеянне вытворчасці і навукі, да якога падштурхнулі санкцыі. Цяпер самая галоўная дэталь для лесанарыхтоўчай тэхнікі (рэжучая галоўка) таксама "Амкадора" праходзіць першыя выпрабаванні. Калі яны пройдуць удала, то ў нас будзе свая вытворчасць гэтай тэхнікі, як і даручаў Прэзідэнт, - расказаў кіраўнік Мінлясгаса. - Калі мяне пытаюць: што павінна быць наперадзе - навука або вытворчасць, я адказваю, што толькі ў тандэме ёсць вынік. І мы яго бачым сёння".

Таксама ў сістэме Мінлясгаса паспяхова развіваецца лясная селекцыя, вырошчванне пасадачнага матэрыялу. "Ужо цяпер ад субстрата да ўгнаенняў - усё беларускай вытворчасці. Мы вырошчваем больш за 30 млн штук пасадачнага матэрыялу з закрытай каранёвай сістэмай", - сказаў на заканчэнне Аляксандр Кулік.

На выстаўцы "Беларусь інтэлектуальная" прадстаўлена больш за 400 экспанатаў. Сярод іх натурныя ўзоры (у тым ліку буйнагабарытная тэхніка), макеты, мультымедыйныя прэзентацыі на вялікіх экранах.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі