24 лістапада, Мінск /Кар. БЕЛТА/. Захад ператварыў міграцыйны крызіс у выключна палітычны. Гэта ў эфіры "Альфа Радыё" заявіў дэпутат Палаты прадстаўнікоў Сяргей Клішэвіч, паведамляе БЕЛТА са спасылкай на sb.by.
"Заходнія палітыкі і міжнародныя арганізацыі ператварылі гэта пытанне ў выключна палітычнае. Еўрапейскія дзяржавы тысячамі знішчалі людзей па ўсёй планеце, і ім, вядома ж, усё роўна на гэту невялікую, па іх мерках, колькасць людзей, на дзяцей і цяжарных жанчын. Таму яны будуць заяўляць усё што хочаце", - лічыць дэпутат.
Паводле яго слоў, Беларусь да гэтага павінна ставіцца спакойна і рабіць усё, каб знаходжанне бежанцаў на нашай тэрыторыі было камфортным, зыходзячы з тых магчымасцей, якія ёсць у краіны. "Беларускі народ чарговы раз паказаў сябе з лепшага боку, праявіў душэўнае стаўленне да ўсяго таго, што адбываецца, і да гэтых людзей. Фактычна ўся краіна сёння паднялася для таго, каб дапамагчы. І ніхто не заклікаў, не прасіў, людзі самі арганізаваліся, - звярнуў увагу Сяргей Клішэвіч. - Наша грамадства не сапсавана заходнімі ліберальнымі каштоўнасцямі, дзе толькі за грошы і толькі долары ў вачах".-0-
