2 кастрычніка, Мінск /Кар. БЕЛТА/. Абласныя камітэты дзяржкантролю праводзяць гарачыя лініі па закупках у насельніцтва лішкаў сельскагаспадарчай прадукцыі, вырашчанай у асабістых падсобных гаспадарках, а таксама сабранай дзікарослай, паведамілі БЕЛТА ў КДК.
Жыхары рэгіёнаў могуць паведаміць аб недахопах і парушэннях, а таксама ўнесці прапановы па ўдасканаленні нарыхтоўчай дзейнасці.
У Гродзенскай вобласці з 1 па 3 кастрычніка гарачая лінія адкрыта па тэлефонах 8 (0152) 79-88-26, 79-88-31.
КДК Мінскай вобласці правядзе гарачую лінію 4 кастрычніка з 11.00 да 13.00 па тэлефоне 8 (017) 284-16-88. У гэты дзень грамадзяне таксама могуць адправіць паведамленне па электроннай пошце kgkminobl@mail.belpak.by.
Аналагічную гарачую лінію КДК Брэсцкай вобласці правядзе 8 кастрычніка з 9.00 да 13.00 па тэлефонах 8 (0162) 21-19-18, 21-18-23, 21-25-08.
Жыхары Віцебскай вобласці змогуць даць ацэнку рабоце нарыхтоўшчыкаў, паведаміць аб недахопах і парушэннях, а таксама выказаць свае прапановы спецыялістам КДК 9 кастрычніка з 10.00 да 12.00 па тэлефонах 8 (0212) 37-54-53, 37-61-48.
У Гомельскай і Магілёўскай абласцях такія гарачыя лініі ўжо адбыліся.-0-
