4 красавіка, Мінск /Кар. БЕЛТА/. У Камітэце дзяржаўнага кантролю з 6 па 10 красавіка будзе арганізавана гарачая лінія па пытаннях наяўнасці тавараў у гандлёвай сетцы і росту цэн, паведамілі БЕЛТА ў КДК.
Лінія арганізавана для таго, каб забяспечыць аператыўны кантроль за сітуацыяй на спажывецкім рынку.
Жыхары ўсіх рэгіёнаў рэспублікі і Мінска, у тым ліку работнікі прадпрыемстваў гандлю, могуць паведаміць у кантрольнае ведамства аб фактах значнага павышэння цэн на спажывецкія тавары, а таксама аб іх адсутнасці ў гандлёвай сетцы.
Званкі прымаюцца па тэлефоне 8(017) 327-54-09 з 10.00 да 12.00.-0-