14 жніўня, Мінск /Кар. БЕЛТА/. Міністр унутраных спраў Юрый Караеў у эфіры тэлеканала АНТ папрасіў прабачэння за траўмы выпадковых людзей на вулічных акцыях пратэсту, перадае карэспандэнт БЕЛТА.
"Пры любой масавай сутычцы, пры спыненні групавых або масавых парушэнняў грамадскага парадку атрымліваецца так, што ўздзейнічаюць на тых, хто спецыяльна на гэта ішоў, і на тых, хто апынуўся побач, не адышоў своечасова, не змог адскочыць. Вось у гэтых людзей, тых, каму дасталося, я як камандзір хачу ўзяць на сябе адказнасць і папрасіць прабачэння па-чалавечы ў гэтых людзей", - сказаў Юрый Караеў.
Адказваючы на пытанне, ці могуць выпадковыя людзі стаць заложнікамі гэтай сітуацыі, міністр адзначыў, што так на самай справе і адбываецца. Пры гэтым ён лічыць, што ёсць сапраўды мірныя людзі, якія трапілі "пад раздачу", а ёсць тыя, хто маскіруецца пад мірнае насельніцтва.
Паводле слоў Юрыя Караева, затрыманых мірных людзей павінны адпускаць як мага хутчэй, і гэта ўжо робіцца. "Я наогул не прагны да крыві чалавек і не хачу ніякага насілля. Усё ж нашы грамадзяне. Ва ўсіх сем'і, дзеці", - сказаў Юрый Караеў.-0-
