27 студзеня, Мінск /Кар. БЕЛТА/. Увага да Паслання Прэзідэнта беларускаму народу і Нацыянальнаму сходу традыцыйна вялікая, заявіла старшыня Савета Рэспублікі Наталля Качанава на пасяджэнні сёмай пазачарговай сесіі Савета Рэспублікі Нацыянальнага сходу сёмага склікання, перадае карэспандэнт БЕЛТА.
"Сёмая пазачарговая сесія Савета Рэспублікі пачынае сваю работу напярэдадні адной з ключавых падзей у жыцці нашай краіны - Паслання Прэзідэнта Рэспублікі Беларусь беларускаму народу і Нацыянальнаму сходу. Увага да гэтай падзеі традыцыйна вялікая. Звяртаючыся да шырокай прадстаўнічай аўдыторыі з усіх рэгіёнаў, кіраўнік дзяржавы даводзіць прынцыповыя ацэнкі падзей і працэсаў, якія адбываюцца, абгрунтоўвае палітычную пазіцыю дзяржавы, мабілізуе грамадства на рэалізацыю важнейшых рашэнняў", - сказала Наталля Качанава.
Спікер падкрэсліла, што цяперашняе пасланне адбудзецца ў асаблівы перыяд нашай гісторыі. "Наперадзе канстытуцыйны рэферэндум і сур'ёзныя планы на далейшае развіццё нашай краіны. І ўсё гэта на фоне беспрэцэдэнтных міжнародных падзей", - канстатавала яна.-0-
