Андрэй Іванец
20 сакавіка, Мінск /Кар. БЕЛТА/. Асноўная фаза рэвізіі ВНУ будзе завершана да пачатку ўступнай кампаніі. Аб гэтым журналістам паведаміў міністр адукацыі Андрэй Іванец перад пачаткам пасяджэння Рэспубліканскага савета рэктараў устаноў вышэйшай адукацыі, якое праходзіць у Беларускім дзяржаўным універсітэце інфарматыкі і радыёэлектронікі, перадае карэспандэнт БЕЛТА.
"Практычна месяц прайшоў пасля нарады ў кіраўніка дзяржавы, на якой вельмі падрабязна былі разгледжаны праблемныя пытанні, што назбіраліся ў нацыянальнай сістэме вышэйшай школы. Цяпер работу па пяці асноўных напрамках пачалі ўжо рабочыя групы, падгрупы. Сюды ўключаны практычна ўвесь спектр пытанняў вышэйшай школы - гэта змест адукацыйных праграм, падрыхтоўка кадраў вышэйшай навуковай кваліфікацыі, безумоўна, гэта змест і патрабаванні заказчыкаў кадраў да той якасці падрыхтоўкі спецыялістаў, якіх выпускаюць нашы ўніверсітэты, таксама гэта пытанні выхаваўчай і ідэалагічнай работы. Сёння на пасяджэнні рэспубліканскага савета рэктараў мы заслухаем першыя вынікі той работы, якую правёў кожны рэктар у сваім універсітэце. Хацеў бы адзначыць, што работа праводзіцца комплексная, пачынаючы з унутранага самакантролю, выпрацоўкі канкрэтных прапаноў кожнага рэктара па сваім універсітэце. Акрамя рабочых груп, задзейнічаны і знешнія міністэрствы і ведамствы, якія маюць прамыя адносіны да гэтых пытанняў. Будуць выпрацаваны канкрэтныя прапановы, якія ўжо ў бліжэйшы час мы разгледзім у Міністэрстве адукацыі", - расказаў Андрэй Іванец.
Ён адзначыў, што асноўную фазу рэвізіі ВНУ плануецца завяршыць да пачатку ўступнай кампаніі. "У рамках уступнай кампаніі, якая ў бягучым годзе адбудзецца значна раней, таму што правядзенне цэнтралізаванага тэсціравання будзе сумешчана з правядзеннем цэнтралізаванага экзамену, а здача цэнтралізаванага тэсціравання ў выглядзе трэцяга прадмета адбудзецца 3 і 6 чэрвеня, мы будзем праводзіць маніторынг як уступнай кампаніі, так і вынікаў размеркавання выпускнікоў бягучага года. Гэтыя два пытанні з'яўляюцца аднымі з асноўных у рамках работы рэвізіі эфектыўнасці дзейнасці нашых ВНУ", - праінфармаваў міністр адукацыі.-0-
"Практычна месяц прайшоў пасля нарады ў кіраўніка дзяржавы, на якой вельмі падрабязна былі разгледжаны праблемныя пытанні, што назбіраліся ў нацыянальнай сістэме вышэйшай школы. Цяпер работу па пяці асноўных напрамках пачалі ўжо рабочыя групы, падгрупы. Сюды ўключаны практычна ўвесь спектр пытанняў вышэйшай школы - гэта змест адукацыйных праграм, падрыхтоўка кадраў вышэйшай навуковай кваліфікацыі, безумоўна, гэта змест і патрабаванні заказчыкаў кадраў да той якасці падрыхтоўкі спецыялістаў, якіх выпускаюць нашы ўніверсітэты, таксама гэта пытанні выхаваўчай і ідэалагічнай работы. Сёння на пасяджэнні рэспубліканскага савета рэктараў мы заслухаем першыя вынікі той работы, якую правёў кожны рэктар у сваім універсітэце. Хацеў бы адзначыць, што работа праводзіцца комплексная, пачынаючы з унутранага самакантролю, выпрацоўкі канкрэтных прапаноў кожнага рэктара па сваім універсітэце. Акрамя рабочых груп, задзейнічаны і знешнія міністэрствы і ведамствы, якія маюць прамыя адносіны да гэтых пытанняў. Будуць выпрацаваны канкрэтныя прапановы, якія ўжо ў бліжэйшы час мы разгледзім у Міністэрстве адукацыі", - расказаў Андрэй Іванец.
Ён адзначыў, што асноўную фазу рэвізіі ВНУ плануецца завяршыць да пачатку ўступнай кампаніі. "У рамках уступнай кампаніі, якая ў бягучым годзе адбудзецца значна раней, таму што правядзенне цэнтралізаванага тэсціравання будзе сумешчана з правядзеннем цэнтралізаванага экзамену, а здача цэнтралізаванага тэсціравання ў выглядзе трэцяга прадмета адбудзецца 3 і 6 чэрвеня, мы будзем праводзіць маніторынг як уступнай кампаніі, так і вынікаў размеркавання выпускнікоў бягучага года. Гэтыя два пытанні з'яўляюцца аднымі з асноўных у рамках работы рэвізіі эфектыўнасці дзейнасці нашых ВНУ", - праінфармаваў міністр адукацыі.-0-
