27 сакавіка, Мінск /Кар. БЕЛТА/. Начальнік сакратарыята Усебеларускага народнага сходу Валерый Міцкевіч у праекце БЕЛТА "Краіна гаворыць" расказаў аб падрыхтоўцы да Усебеларускага народнага сходу.
"Ужо вельмі шмат зроблена. Працуе арганізацыйны камітэт пад кіраўніцтвам прэм'ер-міністра. Адпаведна ідзе інтэнсіўная падрыхтоўка, - сказаў Валерый Міцкевіч. - Цяпер завяршаецца этап вылучэння кандыдатаў у дэлегаты УНС і ў члены Савета Рэспублікі Нацыянальнага сходу Рэспублікі Беларусь восьмага склікання. Вядзецца падрыхтоўка адпаведных дакументаў і вырашаецца мноства арганізацыйна-тэхнічных пытанняў на гэтай стадыі. Я думаю, што ўсе яны бдуць вырашаны".
"Ужо вельмі шмат зроблена. Працуе арганізацыйны камітэт пад кіраўніцтвам прэм'ер-міністра. Адпаведна ідзе інтэнсіўная падрыхтоўка, - сказаў Валерый Міцкевіч. - Цяпер завяршаецца этап вылучэння кандыдатаў у дэлегаты УНС і ў члены Савета Рэспублікі Нацыянальнага сходу Рэспублікі Беларусь восьмага склікання. Вядзецца падрыхтоўка адпаведных дакументаў і вырашаецца мноства арганізацыйна-тэхнічных пытанняў на гэтай стадыі. Я думаю, што ўсе яны бдуць вырашаны".
Паводле яго слоў, у падрыхтоўцы да УНС задзейнічаны ўсе неабходныя структуры і спецыялісты. "У гэты момант працуе вельмі шмат структур. Гэта ўрад, Адміністрацыя Прэзідэнта, сакратарыяты абедзвюх палат парламента, аблвыканкамы. Задзейнічаны ўсе неабходныя структуры і спецыялісты. У рамках аргкамітэта можна прыцягваць любых спецыялістаў са структур для гэтай работы, што ўласна і робіцца. Многія рашэнні прымаюцца менавіта арганізацыйным камітэтам і потым ужо ажыццяўляюцца", - дапоўніў начальнік сакратарыята.-0-
*Праект створаны за кошт сродкаў мэтавага збору на вытворчасць нацыянальнага кантэнту.
