24 верасня, Мінск /Кар. БЕЛТА/. Генеральная пракуратура выступае за ўзмацненне адказнасці бацькоў за ўдзел дзяцей у акцыях пратэсту, заявіў журналістам генеральны пракурор Андрэй Швед перад пачаткам рэспубліканскай каардынацыйнай нарады па барацьбе са злачыннасцю і карупцыяй, перадае карэспандэнт БЕЛТА.
"Сёння праваахоўныя органы аператыўна выяўляюць гэтых асоб, перадаюць у органы апекі і папячыцельства, пракурорам звесткі пра іх. Але мы лічым гэту работу недастатковай. Таму сёння даручана актывізаваць гэту дзейнасць, больш актыўна выяўляць такіх асоб", - сказаў генеральны пракурор.
Андрэй Швед дадаў: "Генпракуратура ініцыюе ў бліжэйшы час унясенне змяненняў у заканадаўства з тым, каб узмацніць адказнасць бацькоў, якія ўцягваюць дзяцей у акцыі пратэсту".-0-
