27 студзеня, Мінск /Кар. БЕЛТА/. Прэм'ер-міністр Рэспублікі Беларусь Раман Галоўчанка сёння прадставіў новага старшыню Камітэта дзяржаўнага кантролю Васіля Герасімава калектыву ведамства, перадае карэспандэнт БЕЛТА.
Раман Галоўчанка адзначыў цудоўныя аналітычныя здольнасці новага кіраўніка КДК, а таксама "пачуццё высокай асабістай адказнасці і прынцыповасць у адстойванні дзяржаўных інтарэсаў".
Таксама ён звярнуў увагу, што факт назначэння з'яўляецца ацэнкай той работы, якая была праведзена Камітэтам дзяржаўнага кантролю пад кіраўніцтвам Васіля Герасімава з верасня 2020 года, калі ён выконваў абавязкі кіраўніка ведамства. "На Камітэт дзяржкантролю былі ўскладзены асаблівыя задачы і функцыі, якія, як учора сказаў кіраўнік дзяржавы, былі рэалізаваны на высокім узроўні", - адзначыў Раман Галоўчанка.
Ён падкрэсліў, што наперадзе штодзённая праца па вырашэнні важных дзяржаўных пытанняў і бягучых задач у полі дзейнасці КДК. Прэм'ер-міністр пажадаў Васілю Герасімаву поспехаў на пасадзе і выказаў надзею на канструктыўнае ўзаемадзеянне Камітэта дзяржкантролю з Саветам Міністраў, якое павінна быць накіравана на паступальнае сацыяльна-эканамічнае развіццё Беларусі.-0-