28 сакавіка, Мінск /Кар. БЕЛТА/. У Мінску праходзіць форум маладых вучоных Нацыянальнага цэнтра заканадаўства і прававых даследаванняў, прысвечаны 30-годдзю Канстытуцыі, перадае карэспандэнт БЕЛТА.
Форум маладых вучоных арганізаваны НЦЗПД сумесна з Беларускім рэспубліканскім саюзам юрыстаў і будзе доўжыцца два дні. Сёння ён стартаваў з канферэнцыі, на якой маладыя вучоныя цэнтра прадставілі папярэднія вынікі сваіх дысертацыйных даследаванняў палажэнняў Канстытуцыі, канстытуцыйных прынцыпаў, асвятлілі гісторыю і перспектывы канстытуцыйнага развіцця. Так, удзельнікі разгледзелі гістарычную памяць як аб'ект крымінальна-прававой аховы, прававое рэгуляванне экалагічнай адукацыі, канстытуцыйныя асновы сумеснага домаўладання і многае іншае.
Прадоўжыцца форум навуковай дыскусіяй, на якой удзельнікі змогуць задаць свае пытанні Рыгору Васілевічу, заслужанаму юрысту, які ўдзельнічаў непасрэдна ў падрыхтоўцы і прыняцці Канстытуцыі, а таксама першаму намесніку дырэктара Інстытута дзяржавы і права Расійскай акадэміі навук Алене Вінаградавай. Як адзначыла намеснік дырэктара - кіраўнік Інстытута прававых даследаванняў Нацыянальнага цэнтра заканадаўства і прававых даследаванняў Алена Сямашка, удзел расійскага эксперта дасць магчымасць параўнаць канстытуцыйнае развіццё і сучасны стан канстытуцыяналізму ў дзвюх краінах. "Асабліва цікава паглядзець на гэтыя працэсы ў параўнанні, таму што ў чымсьці мы ідзём паралельна, але, безумоўна, у кожнага ёсць свае асаблівасці", - сказала яна.
Асноўная мэта форуму - навучанне і развіццё маладых вучоных. "Даклады ў рамках трыбуны маладога вучонага важны як ацэнка іх разумення і таго, наколькі глыбока яны паглыблены ва ўсе працэсы, як з пункту гледжання юрыдычнай навукі, так і практыкі. Большасць выступаючых маладых вучоных працуе ў нас у цэнтры, і, вядома ж, яны займаюцца не толькі прававымі даследаваннямі, але і нарматворчай дзейнасцю. Таму вынікі сваіх навуковых даследаванняў яны павінны прымяняць на практыцы, каб новыя законы пісаліся як на аснове Канстытуцыі, так і на глыбокіх навуковых падставах", - адзначыла намеснік дырэктара.
Заўтра маладыя вучоныя сустрэнуцца з навучэнцамі 8-11-х класаў, каб асвятліць актуальныя пытанні канстытуцыйных каштоўнасцей. Занятак будзе праходзіць у фармаце інтэрактыўнай лекцыі з элементамі конкурсу. Як расказала Алена Сямашка, у выніку самыя актыўныя ўдзельнікі, якія атрымалі перамогу, атрымаюць ад арганізатараў прызы, адным з якіх будзе Канстытуцыя.-0-
Форум маладых вучоных арганізаваны НЦЗПД сумесна з Беларускім рэспубліканскім саюзам юрыстаў і будзе доўжыцца два дні. Сёння ён стартаваў з канферэнцыі, на якой маладыя вучоныя цэнтра прадставілі папярэднія вынікі сваіх дысертацыйных даследаванняў палажэнняў Канстытуцыі, канстытуцыйных прынцыпаў, асвятлілі гісторыю і перспектывы канстытуцыйнага развіцця. Так, удзельнікі разгледзелі гістарычную памяць як аб'ект крымінальна-прававой аховы, прававое рэгуляванне экалагічнай адукацыі, канстытуцыйныя асновы сумеснага домаўладання і многае іншае.
Прадоўжыцца форум навуковай дыскусіяй, на якой удзельнікі змогуць задаць свае пытанні Рыгору Васілевічу, заслужанаму юрысту, які ўдзельнічаў непасрэдна ў падрыхтоўцы і прыняцці Канстытуцыі, а таксама першаму намесніку дырэктара Інстытута дзяржавы і права Расійскай акадэміі навук Алене Вінаградавай. Як адзначыла намеснік дырэктара - кіраўнік Інстытута прававых даследаванняў Нацыянальнага цэнтра заканадаўства і прававых даследаванняў Алена Сямашка, удзел расійскага эксперта дасць магчымасць параўнаць канстытуцыйнае развіццё і сучасны стан канстытуцыяналізму ў дзвюх краінах. "Асабліва цікава паглядзець на гэтыя працэсы ў параўнанні, таму што ў чымсьці мы ідзём паралельна, але, безумоўна, у кожнага ёсць свае асаблівасці", - сказала яна.
Асноўная мэта форуму - навучанне і развіццё маладых вучоных. "Даклады ў рамках трыбуны маладога вучонага важны як ацэнка іх разумення і таго, наколькі глыбока яны паглыблены ва ўсе працэсы, як з пункту гледжання юрыдычнай навукі, так і практыкі. Большасць выступаючых маладых вучоных працуе ў нас у цэнтры, і, вядома ж, яны займаюцца не толькі прававымі даследаваннямі, але і нарматворчай дзейнасцю. Таму вынікі сваіх навуковых даследаванняў яны павінны прымяняць на практыцы, каб новыя законы пісаліся як на аснове Канстытуцыі, так і на глыбокіх навуковых падставах", - адзначыла намеснік дырэктара.
Заўтра маладыя вучоныя сустрэнуцца з навучэнцамі 8-11-х класаў, каб асвятліць актуальныя пытанні канстытуцыйных каштоўнасцей. Занятак будзе праходзіць у фармаце інтэрактыўнай лекцыі з элементамі конкурсу. Як расказала Алена Сямашка, у выніку самыя актыўныя ўдзельнікі, якія атрымалі перамогу, атрымаюць ад арганізатараў прызы, адным з якіх будзе Канстытуцыя.-0-
