Еўропа плануе блакіраваць Калінінградскую вобласць? Ваенны эксперт назваў магчымыя сцэнарыі

24 верасня, Мінск /Кар. БЕЛТА/. Еўрапейскія краіны хочуць ажыццявіць блакіраванне Калінінградскай вобласці па надуманай прычыне. Аб гэтым у праекце "У тэме" на YouTube-канале БЕЛТА заявіў намеснік начальніка факультэта па вучэбнай і навуковай рабоце - начальнік вучэбна-метадычнага аддзела факультэта Генеральнага штаба Узброеных Сіл Ваеннай акадэміі Беларусі Андрэй Багадзель.

"Самая напружаная абстаноўка сёння ў Балтыцы - у раёне Усць-Лугі і Калінінградскай вобласці. І яны (еўрапейскія краіны. - Заўвага БЕЛТА) хочуць ажыццявіць не што іншае, як блакіраванне ўсяго гэтага. І гэта блакіраванне не будзе класічным, якое дае падставу для абвяшчэння вайны. Там могуць, напрыклад, патануць адзін або два танкеры "ценявога флоту". Можа што-небудзь здарыцца з нейкім газаправодам або трубаправодам. Будуць аб'яўлены адпаведныя мерапрыемствы - напрыклад, каранцін. А за зняцце гэтага каранціну запатрабуюць нейкія ўступкі з той жа Расіі", - сказаў Андрэй Багадзель.

Акрамя таго, лічыць эксперт, Літва і Латвія могуць заблакіраваць чыгуначныя перавозкі з Калінінградскай вобласцю па якой-небудзь надуманай падставе. Напрыклад, аб'явіць аб правядзенні "антытэрарыстычнай аперацыі". "Таму пытанні з Калінінградскай вобласцю вельмі і вельмі сур'ёзныя", - дадаў Андрэй Багадзель.-0-

*Праект створаны за кошт сродкаў мэтавага збору на вытворчасцць нацыянальнага кантэнту