18 сакавіка, Мінск /Кар. БЕЛТА/. Дырэктар Рэспубліканскага цэнтра нацыянальных культур Вольга Якабсон расказала журналістам аб тым, як праходзяць стажыроўкі кіраўнікоў замежных беларускіх творчых калектываў арганізацый беларусаў замежжа, перадае карэспандэнт БЕЛТА.
"Упершыню мы прынялі рашэнне праводзіць вузканакіраваныя стажыроўкі. Калі раней мы навучалі і беларускаму вакалу, і беларускай харэаграфіі, і дэкаратыўна-прыкладному мастацтву - усяму адначасова ў рамках тыднёвай стажыроўкі, то цяпер гэта будуць выключна мэтанакіраваныя стажыроўкі. І першая, якая праходзіць цяпер, прысвечана дэкаратыўна-прыкладной творчасці - беларускім традыцыйным рамёствам. Значыць, гэты тыдзень мы будзем наведваць установы культуры, установы адукацыі, дзе ўдзельнікі стажыроўкі будуць навучацца беларускім традыцыйным рамёствам. Усе, хто прыехаў сюды, умеюць нешта рабіць сваімі рукамі - вышываць, валяць, займацца саломай, разьбой па дрэве і многае іншае, але каб паглыбіцца ў нашы беларускія традыцыйныя рамёствы, вядома ж, неабходна такая творчая стажыроўка", - расказала Вольга Якабсон.
Яна адзначыла, што праграма навучання традыцыйна складзена вельмі насычаная. "Адной са знакавых падзей будзе сустрэча з міністрам культуры Беларусі Анатолем Маркевічам. Таксама будуць выезды ў рэгіёны. Напрыклад, заўтра ўдзельнікі едуць у Маладзечна, дзе наведаюць установы адукацыі і ўстановы культуры гэтага рэгіёна. Далей нашы стажоры едуць у Докшыцы, дзе таксама будуць знаёміцца з традыцыйнай беларускай культурай. Па рэкамендацыях мы ўставілі ў сваю праграму наведванні знакавых маштабных вытворчасцей. На гэты раз мы паедзем на "Камунарку", наведаем гэта дзіўнае прадпрыемства, дзе самі ўбачым, як гатуюцца смачныя беларускія цукеркі, якія тыя, хто прыязджае ў Беларусь, заўсёды вязуць з сабой. Шмат яшчэ цікавых момантаў будзе ў нашай праграме. Так, 22 сакавіка - дзень трагедыі ў Хатыні, і мы будзем наведваць мемарыяльны комплекс "Хатынь", ускладаць кветкі, каб аддаць даніну памяці бязвінна забітым у Хатыні людзям", - праінфармавала кіраўнік цэнтра.
На творчую стажыроўку ў Мінск прыбылі ўдзельнікі з Ерэвана (Арменія), Паўладара (Казахстан), Рыгі, Екабпілса, Ліепаі, Даўгаўпілса (Латвія), Іркуцка, Кургана, Самары, пасёлка Ціміразеўскі (Усурыйская гарадская акруга), Петразаводска (Карэлія), Усурыйска, сяла Тургенеўка (Расія), сяла Ігліна, Стэрлітамака (Башкортастан), Ташкента (Узбекістан), Нарвы і Таліна (Эстонія).-0-
"Упершыню мы прынялі рашэнне праводзіць вузканакіраваныя стажыроўкі. Калі раней мы навучалі і беларускаму вакалу, і беларускай харэаграфіі, і дэкаратыўна-прыкладному мастацтву - усяму адначасова ў рамках тыднёвай стажыроўкі, то цяпер гэта будуць выключна мэтанакіраваныя стажыроўкі. І першая, якая праходзіць цяпер, прысвечана дэкаратыўна-прыкладной творчасці - беларускім традыцыйным рамёствам. Значыць, гэты тыдзень мы будзем наведваць установы культуры, установы адукацыі, дзе ўдзельнікі стажыроўкі будуць навучацца беларускім традыцыйным рамёствам. Усе, хто прыехаў сюды, умеюць нешта рабіць сваімі рукамі - вышываць, валяць, займацца саломай, разьбой па дрэве і многае іншае, але каб паглыбіцца ў нашы беларускія традыцыйныя рамёствы, вядома ж, неабходна такая творчая стажыроўка", - расказала Вольга Якабсон.
Яна адзначыла, што праграма навучання традыцыйна складзена вельмі насычаная. "Адной са знакавых падзей будзе сустрэча з міністрам культуры Беларусі Анатолем Маркевічам. Таксама будуць выезды ў рэгіёны. Напрыклад, заўтра ўдзельнікі едуць у Маладзечна, дзе наведаюць установы адукацыі і ўстановы культуры гэтага рэгіёна. Далей нашы стажоры едуць у Докшыцы, дзе таксама будуць знаёміцца з традыцыйнай беларускай культурай. Па рэкамендацыях мы ўставілі ў сваю праграму наведванні знакавых маштабных вытворчасцей. На гэты раз мы паедзем на "Камунарку", наведаем гэта дзіўнае прадпрыемства, дзе самі ўбачым, як гатуюцца смачныя беларускія цукеркі, якія тыя, хто прыязджае ў Беларусь, заўсёды вязуць з сабой. Шмат яшчэ цікавых момантаў будзе ў нашай праграме. Так, 22 сакавіка - дзень трагедыі ў Хатыні, і мы будзем наведваць мемарыяльны комплекс "Хатынь", ускладаць кветкі, каб аддаць даніну памяці бязвінна забітым у Хатыні людзям", - праінфармавала кіраўнік цэнтра.
На творчую стажыроўку ў Мінск прыбылі ўдзельнікі з Ерэвана (Арменія), Паўладара (Казахстан), Рыгі, Екабпілса, Ліепаі, Даўгаўпілса (Латвія), Іркуцка, Кургана, Самары, пасёлка Ціміразеўскі (Усурыйская гарадская акруга), Петразаводска (Карэлія), Усурыйска, сяла Тургенеўка (Расія), сяла Ігліна, Стэрлітамака (Башкортастан), Ташкента (Узбекістан), Нарвы і Таліна (Эстонія).-0-
