Фота з архіва
20 сакавіка, Мінск /Кар. БЕЛТА/. Дзяржстандарт сумесна з абласнымі і Мінскім гарадскім выканаўчымі камітэтамі абвясцілі конкурс "Лепшыя тавары Беларусі", паведамілі БЕЛТА ў прэс-службе камітэта.
Конкурс праводзіцца штогод з 2002 года. Ён карыстаецца аўтарытэтам і прызнаннем як у вытворцаў, так і спажыўцоў. У 2024 годзе конкурс "Лепшыя тавары Беларусь" аб'яўлены 23-і раз і пройдзе ў адпаведнасці з парадкам, зацверджаным пастановай Дзяржстандарту ад 20 снежня 2022 года нумар 121.
"Асноўнай мэтай конкурсу з'яўляецца выяўленне высакаякасных айчынных тавараў і паслуг, у тым ліку новых відаў, садзейнічанне іх распаўсюджванню на ўнутраны і знешні рынкі. Удзел у ім стымулюе айчынныя прадпрыемствы пашыраць асартымент выпускаемай прадукцыі, паляпшаць яе характарыстыкі і ўласцівасці, укараняць сучасныя метады кіравання і забеспячэння якасці на аснове айчынных і міжнародных стандартаў і перадавых дасягненняў. У ліку пераваг конкурс прапануе шэраг інструментаў інфармацыйнай падтрымкі арганізацыям-пераможцам, а таксама спажыўцам у выбары лепшых тавараў і паслуг", - падкрэслілі ў Дзяржстандарце.
Удзельнічаць у конкурсе могуць юрыдычныя і фізічныя асобы, якія вырабляюць прадукцыю і аказваюць паслугі на тэрыторыі Беларусі.
Конкурс праводзіцца ў наступных намінацыях: харчовыя тавары; прамысловыя тавары для насельніцтва і вырабы народных промыслаў; прадукцыя вытворча-тэхнічнага прызначэння; паслугі насельніцтву. У кожнай намінацыі па рашэнні рэспубліканскай конкурснай камісіі сярод лаўрэатаў конкурсу могуць быць вызначаны тавары для прысуджэння статусу "Навінка года", а таксама спецыяльных узнагарод "Стабільная якасць", "Лепшы ў галіне", "Выбар спажыўца", "За поспехі ў імпартазамяшчэнні".
Конкурс праводзіцца ў два этапы. На першым этапе абласнымі конкурснымі камісіямі вызначаюцца тавары-фіналісты і сярод іх тавары, якія прэтэндуюць на прысуджэнне статусу "Навінка года". На другім этапе на аснове матэрыялаў, прадстаўленых абласнымі конкурснымі камісіямі, рэспубліканскай конкурснай камісіяй падводзяцца канчатковыя вынікі конкурсу: прысуджэнне таварам звання лаўрэата конкурсу і статусу "Навінка года", вызначэнне тавараў-лаўрэатаў для ўзнагароджвання спецыяльнымі ўзнагародамі "Стабільная якасць", "Лепшы ў галіне", "Выбар спажыўца", "За поспехі ў імпартазамяшчэнні".
Арганізацыі, тавары якіх удастоены звання лаўрэата, узнагароджваюцца дыпломам і атрымліваюць права размяшчэння лагатыпа конкурсу на таварах і іх упакоўцы, у дакументацыі і рэкламных матэрыялах на працягу двух гадоў.
Звесткі аб таварах-лаўрэатах размяшчаюцца на сайце Дзяржстандарту, партале "Качество.бел" і ў штогадовым ілюстраваным каталогу "Лепшыя тавары Беларусі", які рассылаецца ў прадстаўніцтвы нашай краіны за мяжой.
Заяўкі на ўдзел у конкурсе прадстаўляюцца да 1 верасня на электронныя адрасы сакратарыятаў абласных конкурсных камісій, сфарміраваных у абласных цэнтрах стандартызацыі, метралогіі і сертыфікацыі і РУП "Беларускі дзяржаўны інстытут метралогіі" (для Мінска і Мінскай вобласці). Падрабязная інфармацыя аб конкурсе размешчана на сайце Дзяржстандарту. Неабходныя кансультацыі можна атрымаць у сакратарыятах абласных конкурсных камісій, а таксама ў БелДІСС: вул. Наватарская, д. 2А, к. 428, 220053, Мінск, тэл.+375 17 269 69 54, ntc@belgiss.by.-0-
Конкурс праводзіцца штогод з 2002 года. Ён карыстаецца аўтарытэтам і прызнаннем як у вытворцаў, так і спажыўцоў. У 2024 годзе конкурс "Лепшыя тавары Беларусь" аб'яўлены 23-і раз і пройдзе ў адпаведнасці з парадкам, зацверджаным пастановай Дзяржстандарту ад 20 снежня 2022 года нумар 121.
"Асноўнай мэтай конкурсу з'яўляецца выяўленне высакаякасных айчынных тавараў і паслуг, у тым ліку новых відаў, садзейнічанне іх распаўсюджванню на ўнутраны і знешні рынкі. Удзел у ім стымулюе айчынныя прадпрыемствы пашыраць асартымент выпускаемай прадукцыі, паляпшаць яе характарыстыкі і ўласцівасці, укараняць сучасныя метады кіравання і забеспячэння якасці на аснове айчынных і міжнародных стандартаў і перадавых дасягненняў. У ліку пераваг конкурс прапануе шэраг інструментаў інфармацыйнай падтрымкі арганізацыям-пераможцам, а таксама спажыўцам у выбары лепшых тавараў і паслуг", - падкрэслілі ў Дзяржстандарце.
Удзельнічаць у конкурсе могуць юрыдычныя і фізічныя асобы, якія вырабляюць прадукцыю і аказваюць паслугі на тэрыторыі Беларусі.
Конкурс праводзіцца ў наступных намінацыях: харчовыя тавары; прамысловыя тавары для насельніцтва і вырабы народных промыслаў; прадукцыя вытворча-тэхнічнага прызначэння; паслугі насельніцтву. У кожнай намінацыі па рашэнні рэспубліканскай конкурснай камісіі сярод лаўрэатаў конкурсу могуць быць вызначаны тавары для прысуджэння статусу "Навінка года", а таксама спецыяльных узнагарод "Стабільная якасць", "Лепшы ў галіне", "Выбар спажыўца", "За поспехі ў імпартазамяшчэнні".
Конкурс праводзіцца ў два этапы. На першым этапе абласнымі конкурснымі камісіямі вызначаюцца тавары-фіналісты і сярод іх тавары, якія прэтэндуюць на прысуджэнне статусу "Навінка года". На другім этапе на аснове матэрыялаў, прадстаўленых абласнымі конкурснымі камісіямі, рэспубліканскай конкурснай камісіяй падводзяцца канчатковыя вынікі конкурсу: прысуджэнне таварам звання лаўрэата конкурсу і статусу "Навінка года", вызначэнне тавараў-лаўрэатаў для ўзнагароджвання спецыяльнымі ўзнагародамі "Стабільная якасць", "Лепшы ў галіне", "Выбар спажыўца", "За поспехі ў імпартазамяшчэнні".
Арганізацыі, тавары якіх удастоены звання лаўрэата, узнагароджваюцца дыпломам і атрымліваюць права размяшчэння лагатыпа конкурсу на таварах і іх упакоўцы, у дакументацыі і рэкламных матэрыялах на працягу двух гадоў.
Звесткі аб таварах-лаўрэатах размяшчаюцца на сайце Дзяржстандарту, партале "Качество.бел" і ў штогадовым ілюстраваным каталогу "Лепшыя тавары Беларусі", які рассылаецца ў прадстаўніцтвы нашай краіны за мяжой.
Заяўкі на ўдзел у конкурсе прадстаўляюцца да 1 верасня на электронныя адрасы сакратарыятаў абласных конкурсных камісій, сфарміраваных у абласных цэнтрах стандартызацыі, метралогіі і сертыфікацыі і РУП "Беларускі дзяржаўны інстытут метралогіі" (для Мінска і Мінскай вобласці). Падрабязная інфармацыя аб конкурсе размешчана на сайце Дзяржстандарту. Неабходныя кансультацыі можна атрымаць у сакратарыятах абласных конкурсных камісій, а таксама ў БелДІСС: вул. Наватарская, д. 2А, к. 428, 220053, Мінск, тэл.+375 17 269 69 54, ntc@belgiss.by.-0-
