ДЗЯРЖОРГАНЫДЗЯРЖОРГАНЫ
Флаг Субота, 22 студзеня 2022
Мінск -5°C
Усе навіны
Усе навіны
Грамадства
30 лістапада 2021, 17:05

Дзермант: улады Польшчы і Літвы страцілі чалавечае аблічча, прымяніўшы насілле і забіваючы бежанцаў

30 лістапада, Мінск /Кар. БЕЛТА/. Улады Польшчы і Літвы страцілі чалавечае аблічча, калі сталі прымяняць насілле і забіваць няшчасных бежанцаў. Такой думкай з газетай "Рэспублiка" падзяліўся палітолаг Аляксей Дзермант, паведамляе БЕЛТА.

"Аляксандр Лукашэнка зрабіў нестандартны ход, асабіста наведаўшы месца часовага ўтрымання бежанцаў, якія знаходзяцца каля польскай граніцы, чарговы раз увёўшы ў замяшанне апанентаў беларускай дзяржавы. Яны доўгі час спрабуюць прадставіць Беларусь ледзь не ў якасці галоўнага віноўніка міграцыйнага патоку ў Заходнюю Еўропу. Па версіі заходніх палітыкаў і СМІ, беларускі бок нібыта вымушае бежанцаў накіроўвацца на Захад і робіць гэта супраць волі людзей. Але сустрэча Лукашэнкі ўсё гэта абвергла і паказала ілжывасць гэтых выдумак. Чаму так? Па-першае, аб гэтым сведчыць рэакцыя бежанцаў на яго з'яўленне, а гэта зусім не падобна было на сустрэчу таго, хто іх да нечага прымушае, - адзначыў аналітык. - Па-другое, аб гэтым сведчаць словы бежанцаў маладога і сталага ўзросту, якія выказваліся шчыра і ў рэжыме свабоднага мікрафона. І там не гучала ніякіх абвінавачанняў беларускага боку, які робіць усё неабходнае, каб дапамагчы гэтым людзям, наадварот, гучалі словы ўдзячнасці".

Паводле слоў Аляксея Дзерманта, Прэзідэнт Беларусі растлумачыў тым, хто шукае лепшага жыцця на Захадзе, што мы не можам з-за іх развязаць вайну з суседзямі, патрабаваць прапусціць іх у Германію, але і сілай нікога выдвараць не будзем. "Усё залежыць ад добраахвотнага жадання. Дарэчы, частка бежанцаў ужо прыняла рашэнне вярнуцца на радзіму, і Беларусь ім у гэтым дапамагае. Аднак ніхто не спрабуе маляваць радасныя перспектывы для гэтых людзей, ужо не аднойчы падманутых. Першы раз іх падманулі, калі ўяўлялі з Захаду зямлю запаветную, жаданы край, дзе іх чакаюць. Другі раз - калі еўрапейскія палітыкі агучвалі публічныя запрашэнні прыязджаць у Еўропу, - сказаў палітолаг. - Трэці раз ім схлусілі тыя, хто расказваў пра магчымасць лёгка і проста ў гэту самую Еўропу трапіць, а гэта, як правіла, грамадзяне еўрапейскіх краін, у тым ліку іх супляменнікі, якія ў ЕС даўно пражываюць. І чацвёрты раз іх надзеі падманулі ўлады Польшчы і Літвы, страціўшы чалавечае аблічча, калі яны сталі прымяняць насілле і забіваць гэтых няшчасных людзей. І гэта ўжо не проста падман, а злачынства супраць чалавечнасці. Агідны і подлы здзек. І ўлады Польшчы і Літвы абавязкова панясуць за гэта пакаранне. Калі не ад суда чалавечага, то ад Божага".

Аляксей Дзермант падкрэсліў, што беларусы ў гэтай сітуацыі праяўляюць лепшыя свае якасці: спачуванне, міласэрнасць, гатоўнасць аказаць дапамогу бліжняму. "І як ні стараюцца заходнія барзапісцы ачарніць нашу краіну, эмоцыі бежанцаў, якія вітаюць апладысментамі Прэзідэнта Беларусі, гавораць самі за сябе. Многія здзівіліся візіту Прэзідэнта да людзей, якія знаходзяцца ў вельмі няпростым псіхалагічным стане, але менавіта гэтым ён і адрозніваецца як палітык ад усіх астатніх, асабліва ад высакамерных, фанабэрыстых і няшчырых еўрапейцаў. Ці можам мы ўявіць Макрона або Джонсана, якія стаяць на простым паддоне з дошак, цалкам адкрытых, добразычліва настроеных да людзей, якія воляй лёсу трапілі на іх тэрыторыю з-за вельмі складаных абставін? Ды ніколі ў жыцці! Яны, можа, і паехалі б у такі лагер для бежанцаў, але толькі для таго, каб даць нязбытныя абяцанні, пафатаграфавацца з нацягнутай усмешкай дзеля піяру і паехаць дадому, нічога не вырашыўшы па сутнасці, - упэўнены эксперт. - Але Прэзідэнт Беларусі іншы, і менавіта таму ёсць шанц, што гэтыя людзі атрымаюць рэальную дапамогу і нават трапяць туды, куды яны самі хочуць. Мы іх не пакінем на волю лёсу і будзем усімі магчымымі спосабамі прыцягваць еўрапейскія інстанцыі і міжнародныя арганізацыі для аказання садзейнічання і пазітыўнага вырашэння".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі