13 кастрычніка, Мінск /Кар. БЕЛТА/. Маштабная выстаўка айчынных распрацовак у галіне штучнага інтэлекту і робататэхнікі праходзіць у Нацыянальнай акадэміі навук Беларусі, перадае карэспандэнт БЕЛТА.
У экспазіцыі прадстаўлены рашэнні ў сферах аховы здароўя, адукацыі, прамысловасці, энергетыкі, экалогіі і кібербяспекі. У гэтым годзе ў выстаўцы прымаюць удзел больш за 60 арганізацый. Увогуле прадстаўлена больш за 150 праектаў, якія дэманструюць высокі ўзровень беларускай навукі, інжынернай школы і ІТ-індустрыі.
Галоўны арганізатар выстаўкі - Аб'яднаны інстытут праблем інфарматыкі НАН Беларусі - прэзентуе серыю перадавых айчынных рашэнняў: нейрасеткавы комплекс LungExpert для дыягностыкі захворванняў лёгкіх, сістэму падтрымкі клінічных рашэнняў у трансфузіялогіі, лічбавых двайнікоў антрапаморфных робатаў, інтэлектуальныя сістэмы кіравання сельгастэхнікай і мабільнымі робатамі, модуль "інтэграванае матор-кола", а таксама тэхналогіі прагназавання захворванняў раслін і распрацоўкі новых лекавых прэпаратаў.
Калектыўны стэнд Міністэрства адукацыі прадстаўляе інавацыйныя вучэбныя і прыкладныя распрацоўкі: інтэлектуальнага памочніка для студэнтаў, прамысловага робата з сістэмай аўтаматычнай змены інструментаў, комплекс для бяспечнага пераходу праезнай часткі, а таксама ўнікальныя рашэнні ў галіне 3D-мадэлявання імплантаў, генератыўнага аналізу ДНК і сімуляцыі беспілотных аўтамабіляў. Беларускія ўніверсітэты і навуковыя інстытуты таксама паказваюць практычныя праекты - ад прагнозных мадэлей дынамікі расліннасці і тэхналогій машыннага навучання для аграэкасістэм да сістэм энергааналітыкі і нейрасеткавых інструментаў радыебіялогіі.
Інстытут матэматыкі НАН Беларусі дэманструе праграмны комплекс для разліку цеплавых і механічных уласцівасцей кампазіцыйных матэрыялаў, які дае магчымасць прагназаваць характарыстыкі новых матэрыялаў з дапамогай ШІ-мадэлей. Інстытут эксперыментальнай батанікі імя В.Ф.Купрэвіча НАН Беларусі прадстаўляе шэраг праектаў па мадэляванні дынамікі расліннасці, ацэнцы зарастання сельгасзямель па даных дыстанцыйнага зандзіравання і прагназаванні наступстваў кліматычных змяненняў з прымяненнем нейронавых сетак і спадарожнікавых даных. Інстытут біяарганічнай хіміі НАН Беларусі паказвае прагнастычную мадэль пошуку новых інгібітараў араматазы чалавека, што адкрывае шлях да стварэння перспектыўных лекавых прэпаратаў.
Інстытут біяхіміі біялагічна актыўных злучэнняў НАН Беларусі прадстаўляе інтэрактыўны калькулятар фізічнага развіцця і харчавання дзіцяці, створаны на аснове нацыянальных медыцынскіх стандартаў. Інстытут прыродакарыстання НАН Беларусі дэманструе тэхналогію сярэднетэрміновага прагназавання надвор'я з выкарыстаннем метадаў машыннага навучання і штучнага інтэлекту. Інстытут радыебіялогіі НАН Беларусі прадстаўляе праграмны комплекс для разліку доз апрамянення аб'ектаў біёты, які ўключае мабільны і вэб-дадатак. А Аб'яднаны інстытут энергетыкі НАН Беларусі - адзіную аўтаматызаваную сістэму ўліку і аналізу энергаспажывання ў арганізацыях Акадэміі навук.
РУП "Беларуснафта" прадстаўляе інтэлектуальную сістэму відэааналітыкі для маніторынгу захавання тэхнікі бяспекі на прамысловых аб'ектах у рэальным часе. ААТ "Мінскі НДІ радыематэрыялаў" дэманструе аўтаматычную метэастанцыю для дакладнага земляробства, а НПЦ шматфункцыянальных беспілотных комплексаў - гірастабілізаваную оптыка-электронную сістэму для БПЛА. Ваенная акадэмія, Мінскі гарадскі тэхнапарк і "Белтэлекам" таксама прэзентавалі ключавыя праекты.
Высокатэхналагічныя індустрыяльныя кампаніі прадставілі на выстаўцы платформу для разумных гарадоў, інтэлектуальную сістэму кіравання карпаратыўнымі ведамі, дроны для маніторынгу ЛЭП, ШІ-асістэнт для кардыяхірургаў, цеплавізійныя наглядальныя комплексы і іншыя перспектыўныя распрацоўкі.-0-
Фота Андрэя Сіняўскага
У экспазіцыі прадстаўлены рашэнні ў сферах аховы здароўя, адукацыі, прамысловасці, энергетыкі, экалогіі і кібербяспекі. У гэтым годзе ў выстаўцы прымаюць удзел больш за 60 арганізацый. Увогуле прадстаўлена больш за 150 праектаў, якія дэманструюць высокі ўзровень беларускай навукі, інжынернай школы і ІТ-індустрыі.
Галоўны арганізатар выстаўкі - Аб'яднаны інстытут праблем інфарматыкі НАН Беларусі - прэзентуе серыю перадавых айчынных рашэнняў: нейрасеткавы комплекс LungExpert для дыягностыкі захворванняў лёгкіх, сістэму падтрымкі клінічных рашэнняў у трансфузіялогіі, лічбавых двайнікоў антрапаморфных робатаў, інтэлектуальныя сістэмы кіравання сельгастэхнікай і мабільнымі робатамі, модуль "інтэграванае матор-кола", а таксама тэхналогіі прагназавання захворванняў раслін і распрацоўкі новых лекавых прэпаратаў.
Калектыўны стэнд Міністэрства адукацыі прадстаўляе інавацыйныя вучэбныя і прыкладныя распрацоўкі: інтэлектуальнага памочніка для студэнтаў, прамысловага робата з сістэмай аўтаматычнай змены інструментаў, комплекс для бяспечнага пераходу праезнай часткі, а таксама ўнікальныя рашэнні ў галіне 3D-мадэлявання імплантаў, генератыўнага аналізу ДНК і сімуляцыі беспілотных аўтамабіляў. Беларускія ўніверсітэты і навуковыя інстытуты таксама паказваюць практычныя праекты - ад прагнозных мадэлей дынамікі расліннасці і тэхналогій машыннага навучання для аграэкасістэм да сістэм энергааналітыкі і нейрасеткавых інструментаў радыебіялогіі.
Інстытут матэматыкі НАН Беларусі дэманструе праграмны комплекс для разліку цеплавых і механічных уласцівасцей кампазіцыйных матэрыялаў, які дае магчымасць прагназаваць характарыстыкі новых матэрыялаў з дапамогай ШІ-мадэлей. Інстытут эксперыментальнай батанікі імя В.Ф.Купрэвіча НАН Беларусі прадстаўляе шэраг праектаў па мадэляванні дынамікі расліннасці, ацэнцы зарастання сельгасзямель па даных дыстанцыйнага зандзіравання і прагназаванні наступстваў кліматычных змяненняў з прымяненнем нейронавых сетак і спадарожнікавых даных. Інстытут біяарганічнай хіміі НАН Беларусі паказвае прагнастычную мадэль пошуку новых інгібітараў араматазы чалавека, што адкрывае шлях да стварэння перспектыўных лекавых прэпаратаў.
Інстытут біяхіміі біялагічна актыўных злучэнняў НАН Беларусі прадстаўляе інтэрактыўны калькулятар фізічнага развіцця і харчавання дзіцяці, створаны на аснове нацыянальных медыцынскіх стандартаў. Інстытут прыродакарыстання НАН Беларусі дэманструе тэхналогію сярэднетэрміновага прагназавання надвор'я з выкарыстаннем метадаў машыннага навучання і штучнага інтэлекту. Інстытут радыебіялогіі НАН Беларусі прадстаўляе праграмны комплекс для разліку доз апрамянення аб'ектаў біёты, які ўключае мабільны і вэб-дадатак. А Аб'яднаны інстытут энергетыкі НАН Беларусі - адзіную аўтаматызаваную сістэму ўліку і аналізу энергаспажывання ў арганізацыях Акадэміі навук.
РУП "Беларуснафта" прадстаўляе інтэлектуальную сістэму відэааналітыкі для маніторынгу захавання тэхнікі бяспекі на прамысловых аб'ектах у рэальным часе. ААТ "Мінскі НДІ радыематэрыялаў" дэманструе аўтаматычную метэастанцыю для дакладнага земляробства, а НПЦ шматфункцыянальных беспілотных комплексаў - гірастабілізаваную оптыка-электронную сістэму для БПЛА. Ваенная акадэмія, Мінскі гарадскі тэхнапарк і "Белтэлекам" таксама прэзентавалі ключавыя праекты.
Высокатэхналагічныя індустрыяльныя кампаніі прадставілі на выстаўцы платформу для разумных гарадоў, інтэлектуальную сістэму кіравання карпаратыўнымі ведамі, дроны для маніторынгу ЛЭП, ШІ-асістэнт для кардыяхірургаў, цеплавізійныя наглядальныя комплексы і іншыя перспектыўныя распрацоўкі.-0-
Фота Андрэя Сіняўскага
Падпісвайцеся на нас у
