18 красавіка, Мінск /Кар. БЕЛТА/. Аб асаблівай задачы і ролі сімуляцыйнага навучання ў медыцыне на палях ІІ з'езда грамадскага аб'яднання "Беларускае таварыства сімуляцыйнага навучання ў медыцыне" журналістам расказаў першы намеснік міністра аховы здароўя Юрый Горбіч, перадае карэспандэнт БЕЛТА.
Другі раз з'езд збірае ўрачоў-спецыялістаў, кіраўнікоў і супрацоўнікаў сімуляцыйна-атэстацыйных цэнтраў, цэнтраў практычнай падрыхтоўкі, лабараторый па адпрацоўцы навыкаў, а таксама прафесарска-выкладчыцкі склад, студэнтаў медыцынскіх універсітэтаў і каледжаў і экспертаў з розных краін. Удзельнікі актыўна абменьваюцца інавацыямі, праходзяць майстар-класы і абмяркоўваюць ключавыя напрамкі для далейшай работы.
Юрый Горбіч адзначыў, што сімуляцыйнае навучанне ў Беларусі ўяўляе сабой комплексную сістэму, якая дае магчымасць вучыць студэнтаў і дзеючых урачоў практычным навыкам без выкарыстання пацыентаў. "Гэта значыць студэнты і ўрачы, якія набываюць новую кампетэнцыю, спачатку адточваюць свае навыкі, трэніруюцца на сімулятарах і толькі потым дапускаюцца да пацыентаў. Гэта вельмі значны крок наперад па адной простай прычыне: гэта дае магчымасць адпрацоўваць розныя сітуацыі, якія бываюць вельмі рэдка ў медыцыне - тыя сітуацыі, якія могуць адбыцца ва ўрача усяго 1-2 разы за ўсё жыццё. Зразумела, да іх немагчыма быць гатовым, калі няма сімуляцыйных тэхналогій", - расказаў ён.
Першы намеснік міністра падкрэсліў, што развіццё сімуляцыйнага навучання павінна заўсёды апярэджваць развіццё медыцыны. "Калі ў медыцыне з'яўляецца нешта новае з тэхналогій, то да гэтага моманту ўжо павінны быць гатовы спецыялісты, і яны павінны недзе вучыцца. Для гэтага і існуюць сімуляцыі", - адзначыў Юрый Горбіч.
Ён таксама падкрэсліў, што ў з'ездзе прымалі ўдзел калегі з Расіі, Казахстана і Кыргызстана. "Супрацоўніцтва ў гэтым пытанні даволі глыбокае, і я не ведаю больш дружнай міжнароднай супольнасці, чым супольнасць спецыялістаў па сімуляцыйнай медыцыне. Гэта вельмі малады напрамак, і ўсе спецыялісты развіваліся практычна паралельна. Цяпер у нас адбываецца ўзаемны абмен напрацоўкамі. Любая міжнародная канферэнцыя, семінар, з'езд або сімпозіум прызначаны для таго, каб падняцца на прыступку вышэй у аказанні медыцынскай дапамогі і дыягностыцы, а таксама для абмену ідэямі", - рэзюмаваў першы намеснік міністра.-0-
Другі раз з'езд збірае ўрачоў-спецыялістаў, кіраўнікоў і супрацоўнікаў сімуляцыйна-атэстацыйных цэнтраў, цэнтраў практычнай падрыхтоўкі, лабараторый па адпрацоўцы навыкаў, а таксама прафесарска-выкладчыцкі склад, студэнтаў медыцынскіх універсітэтаў і каледжаў і экспертаў з розных краін. Удзельнікі актыўна абменьваюцца інавацыямі, праходзяць майстар-класы і абмяркоўваюць ключавыя напрамкі для далейшай работы.
Юрый Горбіч адзначыў, што сімуляцыйнае навучанне ў Беларусі ўяўляе сабой комплексную сістэму, якая дае магчымасць вучыць студэнтаў і дзеючых урачоў практычным навыкам без выкарыстання пацыентаў. "Гэта значыць студэнты і ўрачы, якія набываюць новую кампетэнцыю, спачатку адточваюць свае навыкі, трэніруюцца на сімулятарах і толькі потым дапускаюцца да пацыентаў. Гэта вельмі значны крок наперад па адной простай прычыне: гэта дае магчымасць адпрацоўваць розныя сітуацыі, якія бываюць вельмі рэдка ў медыцыне - тыя сітуацыі, якія могуць адбыцца ва ўрача усяго 1-2 разы за ўсё жыццё. Зразумела, да іх немагчыма быць гатовым, калі няма сімуляцыйных тэхналогій", - расказаў ён.
Першы намеснік міністра падкрэсліў, што развіццё сімуляцыйнага навучання павінна заўсёды апярэджваць развіццё медыцыны. "Калі ў медыцыне з'яўляецца нешта новае з тэхналогій, то да гэтага моманту ўжо павінны быць гатовы спецыялісты, і яны павінны недзе вучыцца. Для гэтага і існуюць сімуляцыі", - адзначыў Юрый Горбіч.
Ён таксама падкрэсліў, што ў з'ездзе прымалі ўдзел калегі з Расіі, Казахстана і Кыргызстана. "Супрацоўніцтва ў гэтым пытанні даволі глыбокае, і я не ведаю больш дружнай міжнароднай супольнасці, чым супольнасць спецыялістаў па сімуляцыйнай медыцыне. Гэта вельмі малады напрамак, і ўсе спецыялісты развіваліся практычна паралельна. Цяпер у нас адбываецца ўзаемны абмен напрацоўкамі. Любая міжнародная канферэнцыя, семінар, з'езд або сімпозіум прызначаны для таго, каб падняцца на прыступку вышэй у аказанні медыцынскай дапамогі і дыягностыцы, а таксама для абмену ідэямі", - рэзюмаваў першы намеснік міністра.-0-
Падпісвайцеся на нас у
