ДЗЯРЖОРГАНЫДЗЯРЖОРГАНЫ
Флаг Чацвер, 18 жніўня 2022
Мінск Ясна +18°C
Усе навіны
Усе навіны
Грамадства
29 снежня 2021, 13:27

Дэпутат: праект Канстытуцыі адлюстроўвае павевы часу і патрабаванні сучаснасці

Фота з архіва
Фота з архіва

29 снежня, Мінск /Кар. БЕЛТА/. Праект Канстытуцыі адлюстроўвае павевы часу і патрабаванні сучаснасці. Такое меркаванне карэспандэнту БЕЛТА выказала член Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Людміла Здорыкава.

"Ва ўсіх беларусаў з'явілася магчымасць азнаёміцца з праектам Канстытуцыі. Хочацца адзначыць, што распрацаваны праект Асноўнага закона ў першую чаргу адлюстроўвае павевы часу, патрабаванні сучаснасці. На мой погляд, гэта той Асноўны закон, які дасць нашай дзяржаве магчымасць захаваць стабільнасць, суверэнітэт, справіцца з усімі сучаснымі выклікамі і паступальна развівацца нашай краіне далей, - сказала Людміла Здорыкава. - Удзельнічаючы ў дыялогавых пляцоўках, абмяркоўваючы з працоўнымі калектывамі змяненні і дапаўненні ў Канстытуцыю, я бачу вельмі вялікую зацікаўленасць і разуменне з боку нашых грамадзян у неабходнасці новай Канстытуцыі, якая адпавядае сучасным запатрабаванням".

Праект грунтуецца на лепшых традыцыях дзеючай Канстытуцыі. "Вядома, захоўваюцца асноўныя палажэнні. Мы застаёмся сацыяльна арыентаванай дзяржавай, павялічваецца колькасць сацыяльных гарантый насельніцтву. Лепшыя традыцыі захаваны. Тыя новаўвядзенні, якія ўносяцца, прадыктаваны часам. Мяняецца беларускае грамадства, свет вакол нас, новыя выклікі паўстаюць перад нашай дзяржавай. Вядома, мы павінны на іх адказваць, рэагаваць на тую сітуацыю, якая развіваецца вакол нашай краіны", - адзначыла яна.

Праект Канстытуцыі знаходзіцца ў свабодным доступе. "Кожны, у каго ёсць нейкі свой пункт гледжання, сваё меркаванне - можа выказацца, падзяліцца. Мы ўсе розныя, але мы павінны быць адзіныя ў тым, што Беларусь - гэта наша краіна. Гэта суверэнная, незалежная дзяржава, і толькі ад нас залежыць, якой яна будзе. Толькі мы маем магчымасць і права прымаць рашэнні, ад якіх будзе залежаць будучыня нашай краіны, і нас як грамадзян гэтай краіны, будучыня нашых дзяцей. Выказацца можа кожны", - канстатавала дэпутат.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі