17 мая, Мінск /Кар. БЕЛТА/. Дажджы і навальніцы чакаюцца ў Беларусі на гэтым тыдні, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"На працягу тыдня ўмовы надвор'я Беларусі будуць знаходзіцца пераважна пад уплывам атмасферных франтоў, таму дажджы прадоўжацца, у асобныя дні месцамі па краіне чакаюцца моцныя дажджы, навальніцы і ўзмацненне ветру да моцнага парывістага. У вільготным паветры ў начны і ранішні час не выключаны туманы", - адзначылі сіноптыкі.
У аўторак, 18 мая, на большай частцы тэрыторыі краіны пройдуць дажджы, у начны і ранішні час месцамі чакаюцца моцныя дажджы. У асобных раёнах прагрымяць навальніцы. Уначы і раніцай месцамі будзе згушчацца туман. Вецер будзе пераменных напрамкаў умераны, пры навальніцах парывісты. Тэмпература паветра ў начны час будзе плюс 10-16 градусаў, удзень - плюс 15-21, па ўсходзе да 23 градусаў цяпла.
У сераду, 19 мая, на большай частцы тэрыторыі Беларусі пройдуць дажджы, месцамі навальніцы. Вецер будзе паўночна-заходні ўмераны, удзень парывісты. Уначы тэмпература паветра складзе 8-14 градусаў цяпла. Удзень паветра прагрэецца да плюс 12-19 градусаў, па ўсходзе месцамі да плюс 22.
У чацвер, 20 мая, таксама чакаюцца дажджы, месцамі навальніцы. Вецер прагназуецца паўднёва-заходні ўмераны, удзень месцамі моцны парывісты. Тэмпература паветра ўначы будзе плюс 7-13 градусаў, удзень - плюс 10-17.
У пятніцу, 21 мая, уначы на большай частцы тэрыторыі, днём месцамі па краіне пройдуць кароткачасовыя дажджы. Ноччу ў асобных раёнах моцныя дажджы. Удзень магчымы навальніцы. Тэмпература паветра ў начны час будзе вагацца ад плюс 4 да плюс 10 градусаў. Удзень паветра прагрэецца да плюс 11-18 градусаў.
У суботу, 22 мая, уначы ў асобных раёнах, удзень на большай частцы тэрыторыі краіны чакаюцца кароткачасовыя дажджы, удзень месцамі навальніцы. Тэмпература паветра ўначы будзе плюс 2-8, па паўднёвым захадзе да плюс 10 градусаў, удзень - плюс 14-21.
У нядзелю, 23 мая, у многіх раёнах краіны пройдуць кароткачасовыя дажджы, месцамі навальніцы. Начная тэмпература паветра складзе плюс 6-12 градусаў, дзённая - плюс 13-20 градусаў.-0-
