Навіны сюжэта
""Марафон адзінства" ў Беларусі "
11 студзеня, Ліда /Кар. БЕЛТА/. Дакладныя копіі слуцкіх паясоў, белаўзорыстыя ручнікі, вырабы з саломкі і дрэва і многія іншыя ўнікальныя творы беларускіх майстроў можна ўбачыць на выставе "Зямля таленавітых людзей" на "Марафоне адзінства" ў Лідзе, перадае карэспандэнт БЕЛТА.
Выстава, арганізаваная ДВГА "Белмастацпромыслы", размясцілася ў гарадскім Палацы культуры. Тут прадстаўлена багацце ідэй і ўнікальнасць вырабаў майстроў-рамеснікаў Гродзеншчыны, а таксама прадукцыя народных мастацкіх рамёстваў арганізацый, якія ўваходзяць у ДВГА "Белмастацпромыслы". Гэта вырабы белаўзорыстага ткацтва, разьба па дрэве, вышыўка, саломапляценне, ганчарства, ткацтва, размалёўка па шкле, тканіне, дрэве, Сожская скань і, вядома ж, дакладныя копіі легендарных слуцкіх паясоў.
Як расказала прадстаўнік ДВГА "Белмастацпромыслы" Соф'я Яфрэмава, двухбаковыя слуцкія паясы гістарычна насіліся вельмі заможнымі людзьмі. Прычым па розных нагодах - розным бокам. На святы - больш яркім, з залатымі і сярэбранымі ніткамі, у іншыя дні - больш спакойным. Работа гэта філігранная і працаёмкая: адзін адноўлены слуцкі пояс даўжынёй 3,5 м ткуць 60 гадзін.
Побач - вырабы ў тэхніцы Сожскай скані - тэхнікі народнай творчасці, адноўленай на Гомельшчыне: шкатулкі, талеркі з драўлянай стружкі розных парод дрэў. Каб стварыць адну такую талерку, разьбяр па дрэве і мастак працуюць у пары на працягу 10 дзён.
Аншлагам на выставе карыстаецца ткацкі станок, за якім працуе народны майстар Валянціна Сільвановіч з Лідскага цэнтра культуры. Некаторыя наведвальніцы нават просяць умеліцу ўступіць сваё месца за кроснамі і спрабуюць сябе ў ткацтве. "Нашаму белаўзорыстаму ткацтву прысвоены статус нематэрыяльнай культурнай спадчыны Беларусі", - гаворыць Валянціна Сільвановіч.
Побач з ёю майстар па пляценні карункаў Марыя Шылкоўская стварае свае цудоўныя "карункі", якія ў выніку ўпрыгожаць тыя самыя лідскія ручнікі.
Наведвальнікаў на выставе нямала, і ўсё гэта ў асноўным людзі, неабыякавыя да мастацтва, да народнай культуры і традыцый. Яны не толькі глядзяць, але і ахвотна ўдзельнічаюць у майстар-класах па салома- і лозапляценні, разьбе па дрэве і белаўзорыстым ткацтве.-0-
Выстава, арганізаваная ДВГА "Белмастацпромыслы", размясцілася ў гарадскім Палацы культуры. Тут прадстаўлена багацце ідэй і ўнікальнасць вырабаў майстроў-рамеснікаў Гродзеншчыны, а таксама прадукцыя народных мастацкіх рамёстваў арганізацый, якія ўваходзяць у ДВГА "Белмастацпромыслы". Гэта вырабы белаўзорыстага ткацтва, разьба па дрэве, вышыўка, саломапляценне, ганчарства, ткацтва, размалёўка па шкле, тканіне, дрэве, Сожская скань і, вядома ж, дакладныя копіі легендарных слуцкіх паясоў.
Як расказала прадстаўнік ДВГА "Белмастацпромыслы" Соф'я Яфрэмава, двухбаковыя слуцкія паясы гістарычна насіліся вельмі заможнымі людзьмі. Прычым па розных нагодах - розным бокам. На святы - больш яркім, з залатымі і сярэбранымі ніткамі, у іншыя дні - больш спакойным. Работа гэта філігранная і працаёмкая: адзін адноўлены слуцкі пояс даўжынёй 3,5 м ткуць 60 гадзін.
Побач - вырабы ў тэхніцы Сожскай скані - тэхнікі народнай творчасці, адноўленай на Гомельшчыне: шкатулкі, талеркі з драўлянай стружкі розных парод дрэў. Каб стварыць адну такую талерку, разьбяр па дрэве і мастак працуюць у пары на працягу 10 дзён.
Аншлагам на выставе карыстаецца ткацкі станок, за якім працуе народны майстар Валянціна Сільвановіч з Лідскага цэнтра культуры. Некаторыя наведвальніцы нават просяць умеліцу ўступіць сваё месца за кроснамі і спрабуюць сябе ў ткацтве. "Нашаму белаўзорыстаму ткацтву прысвоены статус нематэрыяльнай культурнай спадчыны Беларусі", - гаворыць Валянціна Сільвановіч.
Побач з ёю майстар па пляценні карункаў Марыя Шылкоўская стварае свае цудоўныя "карункі", якія ў выніку ўпрыгожаць тыя самыя лідскія ручнікі.
Наведвальнікаў на выставе нямала, і ўсё гэта ў асноўным людзі, неабыякавыя да мастацтва, да народнай культуры і традыцый. Яны не толькі глядзяць, але і ахвотна ўдзельнічаюць у майстар-класах па салома- і лозапляценні, разьбе па дрэве і белаўзорыстым ткацтве.-0-
Падпісвайцеся на нас у
