27 чэрвеня, Мінск /Кар. БЕЛТА/. ДАІ рэкамендуе па магчымасці адмовіцца ў спёку ад далёкіх паездак. Аб гэтым БЕЛТА паведамілі ў МУС.
"Гарачае надвор'е негатыўна ўплывае на самаадчуванне ўдзельнікаў дарожнага руху, асабліва метэазалежных і маючых сардэчна-сасудзістыя захворванні. У многіх вадзіцеляў з'яўляецца млявасць і санлівасць, часам агрэсія. Пры гэтым зніжаецца канцэнтрацыя ўвагі і хуткасць рэагавання на няштатныя дарожныя сітуацыі. Усё гэта павышае верагоднасць ДТЗ. Дзяржаўтаінспекцыя настойліва рэкамендуе вадзіцелям кантраляваць сваё самаадчуванне і па магчымасці адмовіцца ад далёкіх стомных паездак, асабліва ў аўтамабілі без кандыцыянера", - адзначылі ў МУС.
Пры неабходнасці сесці за руль кантралюйце сваё самаадчуванне, бярыце з сабой пітную ваду. Пераканайцеся, што ў аўтамабільнай аптэчцы ёсць неабходныя вам лякарствы. Таксама праверце наяўнасць у аўтамабілі спраўнага вогнетушыцеля.
Ні ў якім разе не пакідайце ў зачыненым аўтамабілі дзяцей, пажылых людзей, свойскіх гадаванцаў. Пад спякотным сонцам салон награваецца за лічаныя мінуты і можа стаць смяротна небяспечнай пасткай.-0-
