23 верасня, Мінск /Кар. БЕЛТА/. Дзяржаўтаінспекцыя нагадвае аб адказнасці за язду ў нецвярозым стане. Аб гэтым БЕЛТА паведаміла дзяржаўтаінспектар АДАІ Партызанскага РУУС Мінска Ганна Ціхановіч.
"Штраф прымяняецца ў залежнасці ад канцэнтрацыі спірту ў крыві або яго пароў у выдыхаемым паветры: да 0,8 праміле (380 мкг на 1 л) - 100 БВ (1 БВ - Br29), як і раней, з пазбаўленнем права займацца пэўнай дзейнасцю тэрмінам на тры гады; звыш 0,8 праміле - 200 БВ з пазбаўленнем права займацца пэўнай дзейнасцю тэрмінам на пяць гадоў. Гэты памер штрафу ўстаноўлены і за адмову ад праходжання агляду на прадмет алкагольнага або наркатычнага ап'янення, а таксама за ўжыванне алкаголю або наркатычных сродкаў пасля патрабавання аб спыненні або ўчынення ДТЗ да праходжання агляду", - расказалі ў ДАІ.
З 24 па 26 верасня на тэрыторыі Мінска праводзіцца комплекс прафілактычных мерапрыемстваў пад назвай "Цвярозы вадзіцель". Статыстыка сведчыць, што 5-10 працэнтаў ДТЗ, якія ўчыняюцца па віне вадзіцеляў, звязаны менавіта з гэтым правапарушэннем. Цяжар наступстваў такіх дарожна-транспартных здарэнняў значна вышэйшы ў параўнанні з астатнімі аварыямі.
Са студзеня па жнівень па віне вадзіцеляў, якія знаходзяцца ў стане ап'янення, колькасць дарожна-транспартных здарэнняў павялічылася. Рост агульнай колькасці аварый і параненых пры гэтым людзей адзначаецца на тэрыторыі Ленінскага, Кастрычніцкага і Партызанскага раёнаў. З пачатку года толькі на тэрыторыі Партызанскага раёна Мінска прыцягнуты да адказнасці 144 вадзіцелі за ваджэнне ў нецвярозым стане.
"Калі вы бачыце або ведаеце, што транспартным сродкам кіруе вадзіцель у стане алкагольнага ап'янення, паведаміце ў дзяжурную часць ДАІ па тэлефоне 102 (званок бясплатны). Ваша інфармацыя спыніць бяду", - дадалі ў ДАІ.-0-
