13 лютага, Мінск /Кар. БЕЛТА/. Да 5 градусаў цяпла чакаецца ў Беларусі ў пятніцу, 14 лютага, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Паводле інфармацыі сіноптыкаў, у бліжэйшыя суткі будзе пераважаць воблачнае надвор'е. Уначы пераважна ў паўночных раёнах, а ўдзень па паўднёва-заходняй частцы рэспублікі пройдуць ападкі (снег, мокры снег), у асобных раёнах магчыма наліпанне мокрага снегу. Уначы і раніцай месцамі чакаюцца слабыя туман, галалёд, на асобных участках дарог - галалёдзіца. Вецер будзе паўднёвай чвэрці 5-10 м/с.
Тэмпература паветра ўначы складзе ад мінус 4 да плюс 1 градуса, удзень будзе ад нуля да плюс 5.-0-
