17 чэрвеня, Мінск /Кар. БЕЛТА/. Да 29 градусаў цяпла чакаецца ў Беларусі 18 чэрвеня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У бліжэйшыя суткі чакаецца пераменная воблачнасць. Пераважна без ападкаў, толькі па паўночным усходзе краіны месцамі пройдуць невялікія дажджы, навальніцы. Уначы і раніцай у асобных раёнах сіноптыкі прагназуюць слабы туман. Вецер паўночна-заходні 3-8 м/с, пры навальніцах парывы да 14 м/с.
Тэмпература паветра ўначы складзе 11-17 цяпла, на паўднёвым усходзе - 18-19 градусаў. Удзень чакаецца ад 23 да 29 градусаў.-0-