20 мая, Мінск /Кар. БЕЛТА/. Да 27 градусаў цяпла і дажджы чакаюцца ў Беларусі 21 мая, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Прагназуецца пераменная воблачнасць. Пераважна па паўднёва-заходняй палове чакаюцца кароткачасовыя дажджы, месцамі навальніцы, у начны і ранішні час у асобных раёнах моцныя дажджы. Вецер паўднёва-ўсходні 5-10 м/с, парывы да 14 м/с.
Тэмпература паветра ўначы складзе ад 10 да 16 градусаў цяпла, па паўднёвым захадзе - плюс 17-18. Удзень будзе ад 21 да 27 вышэй за нуль.-0-