8 лістапада, Мінск /Кар. БЕЛТА/. Воблачна з праясненнямі і без істотных ападкаў будзе ў Беларусі 9 лістапада, паведамілі БЕЛТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У пятніцу месцамі чакаецца туман, уначы і раніцай у асобных раёнах - слабы галалёд. Вецер паўднёвы 2-7 м/с.
Тэмпература паветра ўначы складзе ад 1 да 6 градусаў цяпла, пры праясненнях - ад нуля да мінус 3 градусаў. Удзень будзе 3-9 градусаў цяпла, па паўднёвым захадзе - плюс 10-12 градусаў.-0-
