19 сакавіка, Мінск /Кар. БЕЛТА/. У Беларусі 20 сакавіка чакаецца да 12 градусаў цяпла, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу ноччу будзе пераменная воблачнасць, пераважна без ападкаў. Днём - воблачна з праясненнямі, месцамі па поўначы пройдзе невялікі дождж. У начны і ранішні час у асобных раёнах чакаецца слабы туман, на дарогах галалёдзіца. Вецер прагназуецца заходні 4-9 м/с.
Тэмпература паветра ноччу складзе ад мінус 4 да плюс 2, днём - 6-12 градусаў цяпла.-0-
