Больш за 49 тыс. першакурснікаў прымуць ВНУ Беларусі ў гэтым годзе

 

24 красавіка, Мінск /Кар. БЕЛТА/. Больш за 49 тыс. першакурснікаў прымуць ВНУ Беларусі ў бягучым годзе. Аб гэтым журналістам паведаміў першы намеснік міністра адукацыі Аляксандр Бахановіч, перадае карэспандэнт БЕЛТА.

"Установы вышэйшай адукацыі Беларусі ў гэтым годзе плануюць прыняць каля 49,1 тыс. першакурснікаў, што амаль на 900 чалавек больш, чым у мінулым. На бюджэт прымуць каля 33,1 тыс. абітурыентаў (у 2025 годзе - каля 31,8 тыс.), на платнай аснове - каля 16 тыс. (у 2025 годзе - каля 16,4 тыс.). Калі гаварыць аб структуры прыёму, то каля 3,9 тыс. з іх (11,8 працэнта) - гэта будучыя педагогі, амаль 3,7 тыс. (11,2 працэнта) - будучыя медыкі, каля 3,1 тыс. (9,4 працэнта) - будучыя аграрыі. Акрамя таго, практычна кожны чацвёрты абітурыент - каля 7,7 тыс. (23,3 працэнта) - будучыя інжынеры", - праінфармаваў Аляксандр Бахановіч.

Ён адзначыў, што ў гэтым годзе не змяніўся пералік найбольш запатрабаваных эканомікай спецыяльнасцей. "У спісе 69 спецыяльнасцей, у якіх сёння маюць патрэбу арганізацыі эканомікі і сацыяльнай сферы краіны. На гэтыя спецыяльнасці адораныя абітурыенты, напрыклад медалісты, пераможцы алімпіяд, маюць магчымасць паступіць без уступных іспытаў", - канстатаваў першы намеснік міністра.-0-