Фота з архіва
19 сакавіка, Мінск /Кар. БЕЛТА/. Беларускія энергетыкі ў 2024 годзе ўстановяць на апорах ЛЭП больш за 200 платформ для гнездавання буслоў, паведамілі БЕЛТА ў прэс-службе Мінэнерга.
Асноўная частка работ праводзіцца ў зонах з высокай шчыльнасцю гнездавання птушак - пераважна ў населеных пунктах Брэсцкай і Гомельскай абласцей. Аптымальныя месцы для ўстаноўкі платформ вызначаюцца з улікам даных прыродаахоўных ведамстваў і арнітолагаў.
У Беларусі гняздуецца больш за 20 тыс. пар белага бусла. Часта для будаўніцтва сваіх гнёздаў птушкі выбіраюць апоры ліній электраперадачы. Агрэсіўнае асяроддзе прадуктаў жыццядзейнасці птушак, сырасць і цвіль пад гнёздамі прыводзяць да акіслення і парушэння цэласнасці ізаляцыі правадоў, могуць стаць прычынай кароткіх замыканняў і адключэнняў.
Кожны год буслы дабудоўваюць і рамантуюць свае гнёзды, павялічваючы іх вагу на некалькі дзясяткаў кілаграмаў. Павышаныя рызыкі ствараюць шматгадовыя гнёзды вагой 300 кг і больш. У выніку яны могуць прывесці да абрыву правадоў. Менавіта такія месцы знаходзяцца ў зоне асаблівай увагі энергетыкаў.
Штучныя платформы для гнёздаў прымацоўваюцца на бяспечнай ад токавядучых частак ЛЭП адлегласці, забяспечваюць камфорт для буслоў і выключаюць перабоі ў электразабеспячэнні. Работы па іх устаноўцы выконваюцца ў час рэканструкцыі і будаўніцтва электрасетак.-0-
Асноўная частка работ праводзіцца ў зонах з высокай шчыльнасцю гнездавання птушак - пераважна ў населеных пунктах Брэсцкай і Гомельскай абласцей. Аптымальныя месцы для ўстаноўкі платформ вызначаюцца з улікам даных прыродаахоўных ведамстваў і арнітолагаў.
У Беларусі гняздуецца больш за 20 тыс. пар белага бусла. Часта для будаўніцтва сваіх гнёздаў птушкі выбіраюць апоры ліній электраперадачы. Агрэсіўнае асяроддзе прадуктаў жыццядзейнасці птушак, сырасць і цвіль пад гнёздамі прыводзяць да акіслення і парушэння цэласнасці ізаляцыі правадоў, могуць стаць прычынай кароткіх замыканняў і адключэнняў.
Кожны год буслы дабудоўваюць і рамантуюць свае гнёзды, павялічваючы іх вагу на некалькі дзясяткаў кілаграмаў. Павышаныя рызыкі ствараюць шматгадовыя гнёзды вагой 300 кг і больш. У выніку яны могуць прывесці да абрыву правадоў. Менавіта такія месцы знаходзяцца ў зоне асаблівай увагі энергетыкаў.
Штучныя платформы для гнёздаў прымацоўваюцца на бяспечнай ад токавядучых частак ЛЭП адлегласці, забяспечваюць камфорт для буслоў і выключаюць перабоі ў электразабеспячэнні. Работы па іх устаноўцы выконваюцца ў час рэканструкцыі і будаўніцтва электрасетак.-0-