18 студзеня, Мінск /Кар. БЕЛТА/. Авіякампанія "Белавія" прыпыніла рэйсы ў Жэневу да 30 кастрычніка, паведамляе БЕЛТА са спасылкай на сайт перавозчыка.
Палёты ў Ашхабад і Рыгу не будуць выконвацца да 1 сакавіка. Акрамя таго, да 27 сакавіка не будзе рэйсаў у Будапешт і Алматы. Таксама прыпынены рэйсы ва ўсе пункты Расіі (акрамя маскоўскага аэрапорта Дамадзедава) па 27 сакавіка ў сувязі з адсутнасцю дазволу з боку РФ.
Вярнуць грошы за адмененыя рэйсы або змяніць даты вылету можна да 30 сакавіка. Звярнуцца ў касы, прадстаўніцтвы авіякампаніі, а таксама ў службу падтрымкі па гэтым пытанні можна ў любы час да гэтай даты.-0-