ДЗЯРЖОРГАНЫДЗЯРЖОРГАНЫ
Аўторак, 7 ліпеня 2020
Мінск Суцэльная воблачнасць +17°C
Усе навіны
Усе навіны
Грамадства
29 мая 2020, 13:07

Беларускія консульскія службы ў Расіі прадоўжылі экстранны рэжым работы да 14 чэрвеня

Фота з архіва
Фота з архіва

29 мая, Масква /Эдуард Півавар - БЕЛТА/. Консульскія службы дыпламатычных устаноў Беларусі ў Расіі прадоўжылі экстранны рэжым работы да 14 чэрвеня. Аб гэтым гаворыцца ў інфармацыі, размешчанай на сайце пасольства Беларусі ў Расіі, паведамляе БЕЛТА.

"У сувязі з мерамі, якія прымаюцца Расіяй па нераспаўсюджванні каранавіруснай інфекцыі, на перыяд да 14 чэрвеня ўключна консульскі аддзел пасольства Беларусі і аддзялення ў Екацярынбургу, Казані, Калінінградзе, Краснаярску, Ніжнім Ноўгарадзе, Новасібірску, Растове-на-Доне, Санкт-Пецярбургу, Смаленску, Уфе, Хабараўску прыпыняюць прыём грамадзян па консульскіх пытаннях, - гаворыцца ў паведамленні дыпмісіі. - Пры гэтым будзе забяспечаны прыём грамадзян па экстранных пытаннях: выдача пасведчанняў на вяртанне ў Беларусь, выдача віз дыпламатам і адміністрацыйна-тэхнічнаму персаналу пасольстваў, акрэдытаваных у Расіі".

У такім рэжыме беларускія консульскія службы ў Расіі працуюць з 18 сакавіка.

Нягледзячы на некаторае аслабленне ўведзеных з-за каранавіруса абмежаванняў, перш за ўсё ў эканамічнай сферы, у многіх расійскіх рэгіёнах захоўваецца рэжым самаізаляцыі грамадзян. У прыватнасці, у Маскве рэжым самаізаляцыі прадоўжаны да 14 чэрвеня, застаецца сістэма лічбавых пропускаў, грамадзянам не дома забаронена знаходзіцца без масак, а ў транспарце і ў магазінах - яшчэ і без пальчатак.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі