28 кастрычніка, Мінск /Кар. БЕЛТА/. Пасяджэнне чацвёртай сесіі Палаты прадстаўнікоў Нацыянальнага сходу сёмага склікання адбудзецца 28 кастрычніка, паведамілі БЕЛТА ў прэс-службе Палаты прадстаўнікоў.
У першым чытанні заканадаўцы маюць намер разгледзець законапраекты "Аб селекцыі і насенняводстве сельскагаспадарчых раслін", "Аб змяненні Закона Рэспублікі Беларусь "Аб дзяржаўным рэгуляванні вытворчасці і абароту алкагольнай, нехарчовай спіртазмяшчальнай прадукцыі і нехарчовага этылавага спірту". У другім чытанні - "Аб змяненні кодэксаў" (па пытаннях абскарджання ў суд мер спагнання), "Аб змяненні законаў па пытаннях пенсійнага забеспячэння і дзяржаўнага сацыяльнага страхавання", "Аб змяненні Закона Рэспублікі Беларусь "Аб гідраметэаралагічнай дзейнасці", "Аб змяненні законаў па пытаннях перавозкі небяспечных грузаў і прамысловай бяспекі".
Пералікам пытанняў прадугледжана таксама ратыфікацыя міжнародных дагавораў. У прыватнасці, будзе прадстаўлены пратакол аб унясенні змянення ў Пагадненне паміж урадамі Беларусі і Расіі аб супрацоўніцтве ў будаўніцтве на тэрыторыі Беларусі атамнай электрастанцыі ад 15 сакавіка 2011 года, а таксама пратакола аб унясенні змяненняў у Пагадненне паміж урадамі Беларусі і Расіі аб прадастаўленні ўраду Беларусі дзяржаўнага экспартнага крэдыту для будаўніцтва атамнай электрастанцыі ад 25 лістапада 2011 года.
Акрамя таго, у Авальнай зале будзе прадстаўлены пратакол аб унясенні змяненняў і дапаўненняў у Пагадненне паміж урадамі Беларусі і Расіі аб рэалізацыі Праграмы ваенна-тэхнічнага супрацоўніцтва да 2020 года ад 25 снежня 2013 года, а таксама прадугледжана ратыфікацыя Пагаднення паміж урадамі Беларусі і Расіі аб узаемным прызнанні віз і па іншых пытаннях, звязаных з уездам замежных грамадзян і асоб без грамадзянства на тэрыторыі дзяржаў - удзельніц Дагавора аб стварэнні Саюзнай дзяржавы.-0-
