Фота Мінэнерга
25 сакавіка, Сочы /Кар. БЕЛТА/. Беларусь будзе развіваць супрацоўніцтва з "Расатамам" у адытыўных тэхналогіях і абыходжанні з радыеактыўнымі адходамі. Аб гэтым заявіў сёння журналістам міністр энергетыкі Беларусі Віктар Каранкевіч на палях міжнароднага форуму "Атамэкспа" ў Сочы, перадае карэспандэнт БЕЛТА.
Паводле яго слоў, пасля завяршэння будаўніцтва БелАЭС супрацоўніцтва з дзяржкарпарацыяй "Расатам" прадаўжаецца і будзе ў далейшым пашырацца. Размова ідзе не толькі аб пытаннях эксплуатацыі станцыі, тэхнічнай падтрымцы і навуковым суправаджэнні праекта, абыходжанні з радыеактыўнымі адходамі, але і аб новых напрамках. "Гэта адытыўныя тэхналогіі, лічбавыя тэхналогіі, накапляльныя сістэмы для энергетыкі і электратранспарту, трэнажорабудаванне і іншыя. Напрыклад, па абыходжанні з радыеактыўнымі адходамі з кампаніяй "ТВЭЛ" актыўна супрацоўнічае наша прадпрыемства "БелРАА". У Беларусі плануецца да рэалізацыі маштабны праект па будаўніцтве сучаснага пункта пахавання радыеактыўных адходаў, першая чарга якога павінна быць уведзена да 2030 года. На палях форуму "Атамэкспа" бакі падпішуць дарожную карту па падрыхтоўцы і павышэнні кваліфікацыі профільных спецыялістаў для работы ў пункце пахавання, а таксама тых, хто ў прынцыпе будзе задзейнічаны ў функцыянаванні інфраструктуры па абыходжанні з радыеактыўнымі адходамі ў нашай краіне", - сказаў Віктар Каранкевіч.
Інтарэс для Беларусі ўяўляе таксама сфера адытыўных тэхналогій, або 3D-мадэлявання, у металургіі. У гэтым напрамку актыўна працуе прадпрыемства "Белэнергарамналадка". Ва ўзаемадзеянні з кампаніяй "ТВЭЛ" адпрацоўваюцца падыходы па высокадакладным вырабе розных дэталей. "У цэлым гэты напрамак у нашай краіне будзе пашырацца з прыцягненнем прамысловых прадпрыемстваў, у тым ліку за кошт стварэння цэнтра адытыўных тэхналогій. Праект будзе рэалізаваны пры падтрымцы "Расатама", - праінфармаваў міністр.
Міжнародны форум "Атамэкспа" - буйнейшая выставачная і дзелавая пляцоўка, на якой абмяркоўваецца сучасны стан атамнай галіны, фарміруюцца трэнды яе далейшага развіцця. У форуме ўдзельнічаюць кіраўнікі ключавых кампаній сусветнай атамнай галіны, дзяржаўных структур, міжнародных і грамадскіх арганізацый, вядучыя эксперты.-0-
Паводле яго слоў, пасля завяршэння будаўніцтва БелАЭС супрацоўніцтва з дзяржкарпарацыяй "Расатам" прадаўжаецца і будзе ў далейшым пашырацца. Размова ідзе не толькі аб пытаннях эксплуатацыі станцыі, тэхнічнай падтрымцы і навуковым суправаджэнні праекта, абыходжанні з радыеактыўнымі адходамі, але і аб новых напрамках. "Гэта адытыўныя тэхналогіі, лічбавыя тэхналогіі, накапляльныя сістэмы для энергетыкі і электратранспарту, трэнажорабудаванне і іншыя. Напрыклад, па абыходжанні з радыеактыўнымі адходамі з кампаніяй "ТВЭЛ" актыўна супрацоўнічае наша прадпрыемства "БелРАА". У Беларусі плануецца да рэалізацыі маштабны праект па будаўніцтве сучаснага пункта пахавання радыеактыўных адходаў, першая чарга якога павінна быць уведзена да 2030 года. На палях форуму "Атамэкспа" бакі падпішуць дарожную карту па падрыхтоўцы і павышэнні кваліфікацыі профільных спецыялістаў для работы ў пункце пахавання, а таксама тых, хто ў прынцыпе будзе задзейнічаны ў функцыянаванні інфраструктуры па абыходжанні з радыеактыўнымі адходамі ў нашай краіне", - сказаў Віктар Каранкевіч.
Інтарэс для Беларусі ўяўляе таксама сфера адытыўных тэхналогій, або 3D-мадэлявання, у металургіі. У гэтым напрамку актыўна працуе прадпрыемства "Белэнергарамналадка". Ва ўзаемадзеянні з кампаніяй "ТВЭЛ" адпрацоўваюцца падыходы па высокадакладным вырабе розных дэталей. "У цэлым гэты напрамак у нашай краіне будзе пашырацца з прыцягненнем прамысловых прадпрыемстваў, у тым ліку за кошт стварэння цэнтра адытыўных тэхналогій. Праект будзе рэалізаваны пры падтрымцы "Расатама", - праінфармаваў міністр.
Міжнародны форум "Атамэкспа" - буйнейшая выставачная і дзелавая пляцоўка, на якой абмяркоўваецца сучасны стан атамнай галіны, фарміруюцца трэнды яе далейшага развіцця. У форуме ўдзельнічаюць кіраўнікі ключавых кампаній сусветнай атамнай галіны, дзяржаўных структур, міжнародных і грамадскіх арганізацый, вядучыя эксперты.-0-
