19 мая, Мінск /Кар. БЕЛТА/. Аранжавы ўзровень небяспекі аб'яўлены ў Беларусі 20 мая з-за моцных дажджоў, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У чацвер будзе воблачна з праясненнямі. На большай частцы тэрыторыі краіны пройдуць дажджы, удзень у асобных раёнах магчымы навальніцы. На працягу сутак па Віцебскай вобласці, уначы і раніцай па Магілёўскай, па паўночным усходзе Гомельскай і Мінскай абласцей чакаюцца моцныя дажджы. У ранішні час месцамі магчымы слабы туман. Вецер прагназуецца паўночна-заходні 4-9 м/с, удзень з парывамі да 14 м/с, месцамі - да 15-18 м/с.
Тэмпература паветра ўначы складзе 7-13 градусаў вышэй за нуль, удзень - ад плюс 9 па паўночным усходзе да 18 градусаў цяпла па паўднёвым захадзе краіны.-0-