6 ліпеня, Мінск /Кар. БЕЛТА/. Аранжавы ўзровень небяспекі аб'яўлены па паўночным захадзе Беларусі сёння ў другой палавіне дня з-за навальніц, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У перыяд з 15.00 да 21.00 па паўночным захадзе чакаюцца навальніцы, пры навальніцах месцамі моцныя ліўні і шквалістае ўзмацненне ветру парывамі да 15-18 м/с. У Мінску навальніца чакаецца з 18.00 да 21.00.
Комплекс неспрыяльных з'яў у ноч на 7 ліпеня распаўсюдзіцца на большую частку краіны. Заўтра ў дзённы час навальніцы і месцамі моцныя ліўні захаваюцца ў паўднёва-ўсходніх раёнах.-0-