Мабільная версія
ДЗЯРЖОРГАНЫ
Апошнія навіны
ІНФАГРАФІКА: Студэнты Беларусі
Учора 15:41 Стужка навiн
Усе навіны

Амаль 9,6 тыс. крэдытных дагавораў заключана па адрасным субсідзіраванні жылля з пачатку года

Грамадства 10.10.2018 | 20:00
Фота з архіва
Фота з архіва

10 кастрычніка, Мінск /Вера Сяргеева - БЕЛТА/. Амаль 9,6 тыс. крэдытных дагавораў заключана з пачатку года ў адпаведнасці з указам нумар 240 аб адрасным субсідзіраванні будаўніцтва жылля, паведамілі карэспандэнту БЕЛТА ва ўпраўленні жыллёвай палітыкі Міністэрства архітэктуры і будаўніцтва Беларусі.

Па стане на 4 кастрычніка, банкі заключылі 9 574 крэдытныя дагаворы на суму Br493,2 млн. Пры будаўніцтве ўжо асвоена каля Br380 млн, усяго ў бягучым годзе плануецца асвоіць Br592 млн. Крэдытныя рэсурсы прадастаўляюць Беларусбанк, Белаграпрамбанк, БПБ-Ашчадбанк, Белінвестбанк, Белзнешэканамбанк, Пріорбанк.

Цяпер з прыцягненнем адрасных субсідый вядзецца будаўніцтва 114 дамоў. Больш за ўсё іх у Магілёўскай вобласці (29). Усяго ж на бягучы год запланавана ўвесці 209 такіх дамоў. Значная частка кватэр прадастаўляецца шматдзетным сем'ям.

Магчымасць будаўніцтва жылля з дзяржпадтрымкай прадастаўляецца таксама ў адпаведнасці з указам нумар 13 ад 6 студзеня 2012 года "Аб некаторых пытаннях прадастаўлення грамадзянам дзяржаўнай падтрымкі пры будаўніцтве (рэканструкцыі) або набыцці жылых памяшканняў". "Два механізмы дзейнічаюць паралельна. У адпаведнасці з указам нумар 13 таксама прадастаўляецца фінансаванне, але ў невялікіх аб'ёмах зваротных сродкаў па раней выдадзеных крэдытах", - адзначылі ва ўпраўленні жыллёвай палітыкі.

Указ нумар 240 аб адрасным субсідзіраванні ў жыллёвым будаўніцтве ўступіў у сілу 6 жніўня 2017 года. Дзяржаўныя субсідыі прадастаўляюцца на выплату часткі працэнтаў за карыстанне крэдытам на будаўніцтва жылля, атрыманым грамадзянамі ў любым камерцыйным банку, а шматдзетным і маладым сем'ям і дзецям-сіротам - таксама на пагашэнне часткі асноўнага доўгу па такіх крэдытах. Атрымальнікамі субсідый могуць быць усе грамадзяне, маючыя права на атрыманне дзяржаўнай падтрымкі ў адпаведнасці з указам нумар 13.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Студэнты Беларусі Штогод 17 лістапада адзначаецца Міжнародны дзень студэнтаў - адно з самых папулярных маладзёжных свят. Агульная колькасць студэнтаў у ВНУ Беларусі складае каля 284 тыс. чалавек.