Навіны сюжэта
"Маладзёжная палітыка Беларусі "
20 лістапада, Мінск /Кар. БЕЛТА/. У наступным годзе плануем па кожным напрамку дзейнасці студэнцкіх атрадаў адкрыць свой мінскі гарадскі праект, заявіў першы сакратар Мінскага гарадскога камітэта БРСМ Аляксей Пікус на пасяджэнні выканкама "Аб рэалізацыі дзяржаўнай маладзёжнай палітыкі ў Мінску", перадае карэспандэнт БЕЛТА.
Першы сакратар сталічнага гаркама БРСМ адзначыў, што ўжо ёсць планы правесці ў наступным годзе новыя праекты. "Гэта працоўныя праекты - моладзі хочацца працаваць, унесці свой уклад у сацыяльна-эканамічнае развіццё горада. Зыходзячы з вопыту Мінскага гарадскога працоўнага медыцынскага праекта "Лекар", у наступным годзе плануем як мінімум па кожным напрамку дзейнасці студэнцкіх атрадаў адкрыць такі свой мінскі гарадскі праект", - падзяліўся ён.
"Мы бачым, што моладзь зацікаўлена ў рабоце пярвічных арганізацый і БРСМ у цэлым. Сёння 80 працэнтаў членаў нашай арганізацыі ахоплены валанцёрскай дзейнасцю моладзі. Па студатрадаўскім руху мы паставілі рэкорд - на 114 працэнтаў перавысілі паказчыкі мінулага года", - расказаў Аляксей Пікус.
Ён падкрэсліў, што БРСМ праводзяцца і грамадзянска-патрыятычныя праекты. "Упэўнена магу сказаць, што яны даходзяць да кожнага маладога чалавека ў Мінску. Толькі ў праекце "Трохкутнік Перамогі" больш за 30 тыс. дзяцей, школьнікаў прынялі ўдзел, - адзначыў Аляксей Пікус. - Выкарыстоўваем новыя формы, метады работы. Самае галоўнае - інтэрактыўная работа, калі можна ў нефармальнай абстаноўцы пагутарыць. І мы сапраўды можам гаварыць, што ахопліваем усе катэгорыі моладзі і закранаем іх інтарэсы".
Аляксей Пікус дадаў, што ў Мінску 134 234 чалавекі з'яўляюцца членамі Беларускага рэспубліканскага саюза моладзі. "33,9 працэнта ад агульнай колькасці моладзі знаходзяцца ў БРСМ - самы высокі паказчык па рэспубліцы. Але гэта не мяжа", - сказаў ён.
За 2025 год у Мінску былі створаны 33 новыя пярвічныя арганізацыі БРСМ, а да саюза моладзі далучыліся 13 420 чалавек.-0-
Падпісвайцеся на нас у
