Фота з архіва
15 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка 15 студзеня падпісаў указ нумар 27 "Аб Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь". Аб гэтым БЕЛТА паведамілі ў прэс-службе беларускага лідара.
Дакумент прадугледжвае пашырэнне ўдзелу Дзяржінспекцыі аховы жывёльнага і расліннага свету ў забеспячэнні нацыянальнай бяспекі Беларусі, у сувязі з чым на гэту структуру ўскладзены новыя задачы (разам з захаваннем усіх раней дзеючых).
У прыватнасці, службовыя асобы гэтай дзяржінспекцыі надзяляюцца правам праводзіць асабісты надгляд грамадзян і рэчаў, якія пры іх знаходзяцца, у тым ліку з дапамогай тэхнічных і спецыяльных сродкаў, на ўваходах у ахоўныя аб'екты ведамства, а таксама канфіскоўваць забароненыя да праносу прадметы і рэчывы. Вадзіцелі аўтамабіляў гэтай дзяржінспекцыі, якія ўдзельнічаюць у спыненні проціпраўных дзеянняў, нараўне з інспектарскім складам надзяляюцца правам прымянення і выкарыстання зброі, фізічнай сілы, спецсродкаў.
У мэтах павышэння эфектыўнасці дзейнасці падраздзяленні Дзяржінспекцыі аховы жывёльнага і расліннага свету ўкамплектоўваюцца сучаснымі тэхнічнымі сродкамі.
Указ прыняты ў мэтах выканання патрабаванняў кіраўніка дзяржавы па выключэнні множнасці прававога рэгулявання, забеспячэнні прастаты ўспрымання заканадаўства. Замест трох указаў (нумар 341 ад 29 чэрвеня 2010 года, нумар 443 ад 25 верасня 2013 года і нумар 269 ад 15 ліпеня 2019 года) падрыхтаваны адзіны комплексны дакумент, які рэгламентуе дзейнасць Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.-0-
Дакумент прадугледжвае пашырэнне ўдзелу Дзяржінспекцыі аховы жывёльнага і расліннага свету ў забеспячэнні нацыянальнай бяспекі Беларусі, у сувязі з чым на гэту структуру ўскладзены новыя задачы (разам з захаваннем усіх раней дзеючых).
У прыватнасці, службовыя асобы гэтай дзяржінспекцыі надзяляюцца правам праводзіць асабісты надгляд грамадзян і рэчаў, якія пры іх знаходзяцца, у тым ліку з дапамогай тэхнічных і спецыяльных сродкаў, на ўваходах у ахоўныя аб'екты ведамства, а таксама канфіскоўваць забароненыя да праносу прадметы і рэчывы. Вадзіцелі аўтамабіляў гэтай дзяржінспекцыі, якія ўдзельнічаюць у спыненні проціпраўных дзеянняў, нараўне з інспектарскім складам надзяляюцца правам прымянення і выкарыстання зброі, фізічнай сілы, спецсродкаў.
У мэтах павышэння эфектыўнасці дзейнасці падраздзяленні Дзяржінспекцыі аховы жывёльнага і расліннага свету ўкамплектоўваюцца сучаснымі тэхнічнымі сродкамі.
Указ прыняты ў мэтах выканання патрабаванняў кіраўніка дзяржавы па выключэнні множнасці прававога рэгулявання, забеспячэнні прастаты ўспрымання заканадаўства. Замест трох указаў (нумар 341 ад 29 чэрвеня 2010 года, нумар 443 ад 25 верасня 2013 года і нумар 269 ад 15 ліпеня 2019 года) падрыхтаваны адзіны комплексны дакумент, які рэгламентуе дзейнасць Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.-0-
Падпісвайцеся на нас у
