Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Рэалізацыя сумесных праектаў са "Штадлер" сур'ёзна ўзнімае імідж Беларусі - Лукашэнка

Прэзідэнт 21.03.2019 | 11:30
У час сустрэчы
У час сустрэчы

21 сакавіка, Мінск /Кар. БЕЛТА/. Рэалізацыя сумесных праектаў з такімі вядомымі ў свеце кампаніямі, як "Штадлер", сур'ёзна ўзнімае імідж Беларусі. Аб гэтым Прэзідэнт Беларусі Аляксандр Лукашэнка заявіў сёння ў час сустрэчы са старшынёй адміністрацыйнага савета, уладальнікам кампаніі "Штадлер Рэйл Груп" Петэрам Шпулерам, перадае карэспандэнт БЕЛТА.

"Мы ў Беларусі стварылі сапраўды саліднае прадпрыемства (сумесны завод "Штадлер Мінск". - Заўвага БЕЛТА). Ваша прадпрыемства даўно ўжо вядома ўсяму свету, але тое, што на гэтай карце з'явілася Беларусь з вытворчасцю развітага чыгуначнага, электрычнага транспарту, вядома, сур'ёзна ўзнімае імідж краіны", - сказаў Аляксандр Лукашэнка.

Петэр Шпулер і Аляксандр Лукашэнка
Петэр Шпулер і Аляксандр Лукашэнка'

Кіраўнік дзяржавы ўспомніў сваю першую сустрэчу з Петэрам Шпулерам і паездку па чыгунцы, у час якой яны і дамовіліся аб будаўніцтве ў Беларусі сумеснай вытворчасці. Гэту ідэю ўдалося рэалізаваць за кароткі час, завод быў хутка, без асаблівых цяжкасцей пабудаваны і запушчаны. "Мы вельмі хутка дамовіліся аб сумеснай рабоце. Калі б у нас усё так хутка развівалася, як стварэнне вашага прадпрыемства ў Беларусі, было б зусім нядрэнна", - адзначыў кіраўнік дзяржавы.

Прэзідэнт падкрэсліў, што ў час сустрэчы бакі маюць намер абмеркаваць планы далейшай сумеснай работы і бягучыя праблемныя пытанні, калі яны ёсць.

"Я шмат чуў, што вы стварылі нейкі цуда-поезд для нашага метро, - сказаў Аляксандр Лукашэнка. - Можа, у час пастаноўкі на рэйкі гэтага поезда мы з вамі пракоцімся яшчэ раз. Можа, у гэтай электрычцы ў нас з'явяцца новыя ідэі, як некалі".

У сваю чаргу Петэр Шпулер падзякаваў за магчымасць сустрэцца з Прэзідэнтам Беларусі і даў высокую ацэнку рабоце сумеснага завода "Штадлер Мінск". "У Фаніпалі сёння вырабляюцца паязды не толькі для Беларусі, але і для сусветнага рынку. Нам даводзіцца працаваць ва ўмовах вельмі жорсткай канкурэнцыі. Мы вырабляем паязды для Нарвегіі, двухпавярховыя паязды для Венгрыі, робім для Славеніі электрычныя паязды", - расказаў ён.

Як паведамлялася, напярэдадні кампанія "Штадлер" і дзяржаўнае прадпрыемства "Мінскі метрапалітэн" прэзентавалі першы чатырохвагонны поезд метро для сталічнай падземкі. Гэта інавацыйны рухомы састаў, які не мае аналагаў у краінах СНД. Яго распрацоўкай і вытворчасцю займалася прадпрыемства "Штадлер Мінск". Гэты завод, па ўмовах дагавора з Мінскім метрапалітэнам, павінен паставіць дзесяць паяздоў для будуемай трэцяй лініі сталічнай падземкі. Метрапалітэн павінен атрымаць шэсць паяздоў у 2019 годзе, астатнія чатыры - у 2020 годзе.

Завод "Штадлер Мінск" быў афіцыйна адкрыты 20 лістапада 2014 года. Прадпрыемства ўваходзіць у склад швейцарскай кампаніі "Штадлер Рэйл Груп", якая ўжо больш як 75 гадоў з'яўляецца адным з вядучых еўрапейскіх вытворцаў чыгуначнага рухомага саставу. "Штадлер Рэйл Груп" мае таксама філіялы ў Аўстрыі, Аўстраліі, Алжыры, Вялікабрытаніі, Швейцарыі, Германіі, Нідэрландах, Венгрыі, Польшчы, Чэхіі, Італіі і ЗША.-0-

Фота Юрыя Арэшкіна

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Білеты на ІІ Еўрапейскія гульні Цырымонія адкрыцця - 21 чэрвеня, стадыён "Дынама" - кошт білета - Br150-300. Цырымонія закрыцця - 30 чэрвеня, стадыён "Дынама" - Br70-150.