16 студзеня, Мінск /Кар. БЕЛТА/. Прэзідэнту Беларусі Аляксандру Лукашэнку ў час наведвання "МотаВелаЗавода", размешчанага на тэрыторыі Мінскага гарадскога тэхнапарка, падарылі матацыкл маркі "Мінск Д4 125", перадае карэспандэнт БЕЛТА.
Ад імя ўсяго калектыву супрацоўнікі "МотаВелаЗавода", размешчанага на тэрыторыі Мінскага гарадскога тэхнапарка, падзякавалі кіраўніку дзяржавы за своечасова прынятыя рашэнні па захаванні і адраджэнні прадпрыемства. "Мы ведаем ваша асаблівае стаўленне да нашых нацыянальных брэндаў - "Мінск" і "Аіст". І хацелі б уручыць вам, першаму Прэзідэнту Рэспублікі Беларусь, першы матацыкл "Мінск", выраблены на новых мадэрнізаваных лініях прадпрыемства", - адзначыў прадстаўнік мотавелазавода.
У падарунак кіраўніку дзяржавы перадалі матацыкл маркі "Мінск Д4 125".
Аляксандр Лукашэнка, падзякаваўшы за гэта, з доляй гумару заўважыў: "Усе падарункі аддаю дзяржаве, але матацыкл не аддам. Прынамсі да вясны. Вясной сфатаграфуюся спецыяльна, "Пул Першага" (Telegram-канал. - Заўвага БЕЛТА) выкладзе гэта ўсё. … Беларускі матацыкл. Хоць у мяне ёсць і іншыя матацыклы, але гэта - гэта роднае дзіця. Таму я вам вельмі ўдзячны. Дзякуй!"
"Мінск Д4 125" - гэта мадэль эканамічнага матацыкла з сучасным збалансаваным дызайнам, створаная для дарожных умоў краін СНД. Мінімалістычны дызайн пераклікаецца з папярэднімі пакаленнямі матацыклаў лінейкі "Мінск", але мае і сучасныя стылістычныя рашэнні. Вытворца характарызуе яго як надзейную, трывалую і эканамічную ў абслугоўванні тэхніку.-0-
Падпісвайцеся на нас у
