ДЗЯРЖОРГАНЫДЗЯРЖОРГАНЫ
Флаг Панядзелак, 27 чэрвеня 2022
Мінск Малавоблачна +28°C
Усе навіны
Усе навіны
Прэзідэнт
06 мая 2022, 12:19

Лукашэнка запатрабаваў фарсіраваць рэалізацыю ў Мінску праекта "Паўночны бераг"

6 мая, Мінск /Кар. БЕЛТА/. Прэзідэнт Беларусі Аляксандр Лукашэнка запатрабаваў фарсіраваць рэалізацыю праекта па будаўніцтве ў Мінску эксперыментальнага шматфункцыянальнага комплексу "Паўночны бераг". Аб гэтым ён заявіў сёння, заслухоўваючы даклад аб развіцці горада Мінска, перадае карэспандэнт БЕЛТА.

"Вы разумееце, што калі б гэты аб'ект будаваўся, то, напэўна, у нас нават будаўнічых магутнасцей у Мінску не хапіла б для таго, каб яго будаваць. Там мы павінны тэмпы фарсіраваць. Нам вельмі выгадны аб'ект", - падкрэсліў беларускі лідар.

Старшыня Мінгарвыканкама Уладзімір Кухараў удакладніў, што ў рамках праекта прадугледжаны ўкладанні ў аб'ёме Br10 млрд.

"Тады мы лічылі $4 млрд. Гэта вельмі вялікі праект. Гэта можна задзейнічаць усіх нашых будаўнікоў аж на пяцігодку", - адзначыў Аляксандр Лукашэнка.

Як паведамлялася БЕЛТА, у чэрвені 2021 года быў падпісаны інвестдагавор аб будаўніцтве сучаснага комплексу "Паўночны бераг".

Указам Прэзідэнта нумар 186 "Аб рэалізацыі інвестыцыйнага праекта ў Мінску" Мінгарвыканкаму было даручана заключыць з прыватнай кампаніяй з абмежаванай адказнасцю і таварыствам з абмежаванай адказнасцю Riverside Development Holdings Limited дагавор аб узвядзенні аб'екта.

Плануецца, што комплекс размесціцца ў межах МКАД - пр. Пераможцаў - вул. Арлоўскай - Цнянскага вадасховішча. Кошт рэалізацыі праекта складзе $4 млрд. У яго склад увойдуць жылыя дамы з усёй неабходнай інжынернай і транспартнай інфраструктурай, сацыяльныя аб'екты і грамадскага прызначэння агульнай плошчай большай за 6 млн кв.м. Таксама прадугледжваецца ўзвядзенне Нацыянальнага выставачнага цэнтра, Інстытута штучнага інтэлекту, Мінскага цэнтра міжнароднага гандлю. Рэалізаваць праект планавалася на працягу 2021-2040 гадоў.

Як растлумачыў мэр Мінска Уладзімір Кухараў журналістам пасля сустрэчы з кіраўніком дзяржавы, праект па будаўніцтве "Паўночнага берага" ўжо стартаваў. Цяпер ідзе падрыхтоўка да этапу будаўніцтва: устаноўлена агароджа вакол пляцоўкі, дзе будзе ўзводзіцца адзін з аб'ектаў, ідзе здымка грунту. "Мы плануем, што ў адпаведнасці з дамоўленасцямі работы будуць прадаўжацца ўжо непасрэдна па будаўніцтве будынка. Цяпер першы этап - будаўніцтва міжнароднага выставачнага цэнтра, вядуцца работы. Усе неабходныя дакументы Мінгарвыканкамам інвестару перададзены", - удакладніў Уладзімір Кухараў.

Ён запэўніў, што мясцовыя ўлады гатовы ўсяляк садзейнічаць беларускім праектным і будаўнічым арганізацыям, якія будуць удзельнічаць у рэалізацыі праекта.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі