ДЗЯРЖОРГАНЫДЗЯРЖОРГАНЫ
Нядзеля, 9 жніўня 2020
Мінск Пераменная воблачнасць +24°C
Усе навіны
Усе навіны
Прэзідэнт
12 ліпеня 2020, 08:08

Лукашэнка: ужо не адно пакаленне беларусаў расце ў паспяховай, чыстай, мірнай і прыгожай краіне

12 ліпеня, Александрыя /Кар. БЕЛТА/. Беларускі народ перажыў нямала бед і няшчасцяў, але ніколі і ні перад кім не станавіўся на калені. Аб гэтым Прэзідэнт Беларусі Аляксандр Лукашэнка заявіў 11 ліпеня на свяце "Александрыя збірае сяброў", перадае карэспандэнт БЕЛТА.

"Нездарма кажуць, што рай для кожнага чалавека там, дзе знаходзіцца яго сэрца. Не толькі маё, але і сэрцы ўсіх, хто тут сабраўся. Маё сэрца канчаткова і беспаваротна аддадзена гэтай зямлі і гэтым людзям. Усім беларусам. Нашаму мудраму і моцнаму народу. Народу, які за многія стагоддзі сваёй гісторыі перажыў нямала бед і няшчасцяў, але ніколі і ні перад кім не станавіўся на калені. Народу, які выдатна ведае цану словам і справам. Які выпакутаваў права жыць у сваёй дзяржаве і самастойна выбіраць і вызначаць сваю будучыню", - заявіў Аляксандр Лукашэнка.

Прэзідэнт адзначыў, што 2020 год завяршае трылогію малой радзімы. "Азірніцеся вакол. Паглядзіце, колькі добрага, патрэбнага зроблена намі на гэтай роднай зямлі. Успомніце, якой яна была яшчэ два-тры гады таму. А пяць, дзесяць, чвэрць стагоддзя? Ваша вялікая заслуга ў тым, што ўжо не адно пакаленне беларусаў расце ў паспяховай, чыстай, мірнай і прыгожай краіне. Краіне, якую стварылі мы з вамі практычна з нуля, на абломках вялікай імперыі, імя якой - Савецкі Саюз", - канстатаваў кіраўнік дзяржавы.

Паводле яго слоў, гэта было нялёгка, нешта атрымалася на выдатна і нават лепш, чым некалі ўяўлялі, нешта - на добра, а над нечым трэба яшчэ нямала папрацаваць. "Мы ж з вамі дакладна ведаем: каравай свежага, духмянага, натуральнага хлеба - гэта вынік доўгай, упартай і карпатлівай працы. І ніяк інакш. Так і ў дзяржаве. Працаваць на вынік, аб'ядноўвацца перад любымі выпрабаваннямі, пераадольваць усе цяжкасці - вось адзіны спосаб стварыць найлепшую будучыню для сваёй краіны і свайго народа. І - абавязкова - толькі ўсім разам", - падкрэсліў Аляксандр Лукашэнка.

Прэзідэнт успомніў, як гаварылі ў савецкі час: перш чым спытаць, што Радзіма зрабіла для цябе, спытай, а што я зрабіў для Радзімы, свайго народа? "Сапраўдная любоў да Айчыны - стваральная. Таму давайце і ў далейшым разам будаваць нашу Беларусь справядлівай, бяспечнай і моцнай краінай. Цяпер гэта вельмі актуальна, калі ўладныя людзі спрабуюць перадзяліць свет, зламаць асновы, навязаць больш слабым свой склад мыслення і свой спосаб жыцця. І самае галоўнае: у такі час трэба слухаць сваё сэрца - яно заўсёды пакажа самы надзейны і правільны шлях у будучыню", - перакананы кіраўнік дзяржавы.-0-

Лукашэнка: дзякуючы вытокам нацыянальных традыцый беларусы застаюцца самабытным і незалежным народамЛукашэнка: дзякуючы вытокам нацыянальных традыцый беларусы застаюцца самабытным і незалежным народам
Паводле слоў кіраўніка дзяржавы, свята ў Александрыі вяртае да вытокаў нацыянальных традыцый. "У многім дзякуючы ім, гэтым вытокам, мы былі, ёсць і застанёмся беларусамі - самабытным і незалежным народам", - заявіў Прэзідэнт.

Лукашэнка ў Александрыі: такіх свят, якія аб'ядноўвалі б асноўныя славянскія народы, няшматЛукашэнка ў Александрыі: такіх свят, якія аб
"Калі ўжо абсалютна шчыра, то вось такіх свят, якія аб'ядноўвалі б асноўныя славянскія народы (хто мог бы падумаць, што такое будзе), няшмат", - заўважыў Аляксандр Лукашэнка.

ФОТАФАКТ: Салютам скончыўся першы дзень свята ў АлександрыіФОТАФАКТ: Салютам скончыўся першы дзень свята ў Александрыі
На заканчэнне першага дня свята ў Александрыі для гледачоў падрыхтавалі лазернае шоу і вялікі салют.

ФОТАФАКТ: Гала-канцэрт "Мая Александрыя"ФОТАФАКТ: Гала-канцэрт "Мая Александрыя"
Больш за 110 тыс. гасцей і ўдзельнікаў прыехалі ў гэтым годзе на рэспубліканскае свята "Купалле"

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі