ДЗЯРЖОРГАНЫДЗЯРЖОРГАНЫ
Флаг Аўторак, 28 чэрвеня 2022
Мінск Суцэльная воблачнасць +29°C
Усе навіны
Усе навіны
Прэзідэнт
31 сакавіка 2022, 12:27

Лукашэнка: у Захаду не атрымалася адарваць Беларусь ад Расіі, цяпер ён ходзіць і ляскае зубамі

31 сакавіка, Мінск /Кар. БЕЛТА/. У Захаду не атрымалася адарваць Беларусь ад Расіі, цяпер ён ходзіць і ляскае зубамі. Аб гэтым Прэзідэнт Беларусі Аляксандр Лукашэнка заявіў сёння на сустрэчы з губернатарам Пензенскай вобласці Расіі Алегам Мельнічэнкам, перадае карэспандэнт БЕЛТА.

Алег Мельнічэнка расказаў, што папярэдні раз наведваў Беларусь у жніўні 2020 года. Ён каардынаваў наглядальнікаў ад Міжпарламенцкай асамблеі СНД на прэзідэнцкіх выбарах.

"Я думаю, вы крыху парушэнняў выявілі?" - пацікавіўся Аляксандр Лукашэнка.

"Я хачу сказаць, што парушэнняў не было наогул. Мы ездзілі па ўсёй тэрыторыі рэспублікі. Я перамяшчаўся па выбарчых участках у Мінску цэлы дзень. Ніякіх парушэнняў мы не зафіксавалі", - заявіў Алег Мельнічэнка.

Кіраўнік дзяржавы адзначыў, што пасля 2020 года ў Беларусі быў вельмі сур'ёзны перыяд: у краіне рыхтаваліся да рэферэндуму па змяненні Канстытуцыі. "Дэмакратызавалі яе. Трэба было рухацца наперад. І вы ведаеце, многія ў нас у грамадстве прапаноўвалі не праводзіць рэферэндум пасля падзей 2020 года. Я катэгарычна выказаўся супраць: мы паабяцалі. Рэферэндум прайшоў і, ведаеце, такая цішыня. Нават Захад уціхамірыўся: сказаць няма чаго. І вынікі рэферэндуму на паўтара працэнта лепшыя, чым на прэзідэнцкіх выбарах. У нас сапраўды спакойная сітуацыя", - падкрэсліў Прэзідэнт.

Ён дадаў, што Захад спрабаваў арганізаваць у Беларусі майдан па ўкраінскім сцэнарыі, але ў яго нічога не выйшла. "Было жаданне адрэзаць тут і правесці чырвоную рысу для Расіі. У іх не атрымалася. Яны цяпер ходзяць і зубамі ляскаюць - не атрымалася, трэба неяк усё гэта перавярнуць. Таму санкцыі ўводзяць супраць Расіі і, шчыра кажучы, супраць Беларусі, каб Расія не абышла свае санкцыі", - адзначыў кіраўнік дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі